PM:11:53:22/12/2024
6240 جار خوێندراوەتەوە
لە بەراوردێکی بێ وێنەدا، بیل گەیتس دامەزرێنەری کۆمپانیای مایکرۆسۆفت، زیرەکی دەستکردی خستە لیستی هەڕەشە جیهانییەکان، شانبەشانی چەکی ئەتۆمی و بایۆلۆجی.
بەپێی راپۆرتێکی رۆژنامەی "دەیلی میرۆر"ی بەریتانی، گەیتس ئاماژەی بەوە کردووە، پێشکەوتنە خێراکانی بواری زیرەکی دەستکرد نیگەرانی دروست دەکات، بەو پێیەی گەشەسەندنەکەی بە "سەرسوڕهێنەر و ترسناک" پەسن کردووە.
جەختیشی لەوە کردەوە کە ئەم جۆرە
تەکنەلۆژیایە توانای ئەوەی هەیە کە گۆڕانکاری ریشەیی لە کۆمەڵگادا بهێنێتە ئاراوە
و هەموو دەستکەوتە تەکنەلۆژییەکانی پێشوو تێپەڕێنێت.
هەرچەندە ستایشی سوودەکانی زیرەکی دەستکردی
لە بوارەکانی وەک پەروەردە و تەندروستیدا کرد، بەڵام گەیتس هۆشداریدا لە مەترسی
بەکارهێنانی نەرێنی ئەم تەکنەلۆژیایە، ئاماژەی بەوەش کرد، زیرەکی دەستکرد کۆمەڵگا
بەشێوەیەکی بێ وێنە لە مێژووی مرۆڤایەتیدا دادەڕێژێتەوە.
