AM:08:29:22/12/2024
780 جار خوێندراوەتەوە
نرخی نەوت لە بازاڕەکانی جیهاندا بەراورد بە دوێنێ بە جێگیری ماوەتەوە، نرخی بەرمیلێک نەوتی خاوی برێنت بە ٧٢ دۆلار و ٩٤ سەنت مامەڵەی پێوە دەکرێت.
ئەمڕۆ یەکشەممە ٢٢ـی کانونی یەکەمـی ٢٠٢٤، نرخی بەرمیلێک خاوی تەکساس بە ٦٩ دۆلار و ٤٦ سەنت مامەڵەی پێوە دەکرێت، هاوشێوەی نەوتی خاوی برێنت بە جێگیری ماوەتەوە بەراورد بە دوێنێ.
هۆکاری دابەزینی ئەم ماوەیەی نرخی نەوت دەگەڕێتەوە بۆ ئەوەی بازرگانان
چاوێکیان لەسەر سەپاندنی گەمارۆی زیاترە بەسەر روسیا و ئێران کە دوو بەرهەمهێنەری
گەورەی نەوتن و هەروەها لە دوای رووداوەکانی ئەم دواییانەی رۆژهەڵاتی ناوەڕاست و
هاتنەکایەی تاڕادەیەک سەقامگیری، نرخی نەوت کەمتر بەرز و نزمی بەخۆیانەوە بینیوە.
ئەوەش لە کاتێکدایە، بەرزبوونەوەى هەفتەی رابردووی نرخى نەوتپاش ئەوە
هات کە یەکێتى ئەوروپا رەزامەندی نیشاندا لەسەر سەپاندنى گەڕێکى دیکەى سزا بەسەر کەرتى
نەوتى روسیا، بەوەش ترسى ئەوە لە بازاری نەوتدا دروستبووە کە هەناردەى نەوتى روسیا
کەمببێتەوە.
