AM:08:29:16/12/2024
636 جار خوێندراوەتەوە
نرخی نەوت لە بازاڕەکانی جیهاندا بەراورد بە دوێنێ کەمێک دابەزی، نرخی بەرمیلێک نەوتی خاوی برێنت بە ٧٤ دۆلار و ١٩ سەنت مامەڵەی پێوە دەکرێت.
ئەمڕۆ دووشەممە ١٦ـی ١٢ـی ٢٠٢٤، نرخی بەرمیلێک خاوی تەکساس بە ٧٠ دۆلار و ٨٨ سەنت مامەڵەی پێوە دەکرێت، هاوشێوەی نەوتی خاوی برێنت دابەزی.
هۆکاری دابەزینی نرخی نەوت دەگەڕێتەوە بۆ ئەوەی بازرگانان چاوێکیان لەسەر سەپاندنی گەمارۆی زیاترە بەسەر
رووسیا و ئێران کە دوو بەرهەمهێنەری گەورەی نەوتن.
ئەوەش لە کاتێکدایە، بەرزبوونەوەى هەفتەی رابردووی نرخى نەوت پاش ئەوە هات کە یەکێتى ئەوروپا
رەزامەندی نیشاندا لەسەر سەپاندنى گەڕێکى دیکەى سزا بەسەر کەرتى نەوتى روسیا، بەوەش
ترسى ئەوە لە بازاری نەوتدا دروستبووە کە هەناردەى نەوتى روسیا کەمببێتەوە.
