AM:08:17:15/12/2024
680 جار خوێندراوەتەوە
نرخی نەوت لە بازاڕەکانی جیهاندا بە جێگیری ماوەتەوە بەراورد بە دوێنێ، نرخی بەرمیلێک نەوتی خاوی برێنت بە ٧٤ دۆلار و ٤٩ سەنت مامەڵەی پێوە دەکرێت.
ئەمڕۆ یەکشەممە ١٥ـی ١٢ـی ٢٠٢٤، نرخی بەرمیلێک خاوی تەکساس بە ٧١ دۆلار و ٢٩ سەنت مامەڵەی پێوە دەکرێت، هاوشێوەی نەوتی خاوی برێنت بە جێگیری ماوەتەوە..
هاوکات، رووداوەکانی سووریا مەترسییە جیۆسیاسییەکانیان لەنێو بازاڕی نەوت زیادکردووەو
هەروەهابەهۆی ئاڵۆزبوونی جەنگی روسیا- ئۆکرانیاوە نرخی نەوت بەشێوەیەکی بەرچاو لە
ماوەی یەک هەفتەدا ٤٪ـی نرخەکەی بەرزبووەتەوە.
ئەوەش لە کاتێکدایە، بڕیارە لە سەرەتای مانگی کانوونی دووەمی ئەمساڵدا کێڵگەی
نەوتی تەنگیز کە گەورەترین کێڵگەی کازاخستانە، بگەڕێتەوە بۆ توانای بەرهەمهێنانی تەواو
و وەزارەتی وزەی کازاخستان رایگەیاندووە بەنیازە لە ساڵی ٢٠٢٥دا ٩٠ ملیۆن تۆن نەوت
بەرهەم بهێنێت، لە کاتێکدا لە ساڵی ٢٠٢٤دا ٨٨ ملیۆن تۆن نەوت بەرهەمبهێنێت.
