AM:08:35:14/12/2024
732 جار خوێندراوەتەوە
نرخی نەوت لە بازاڕەکانی جیهاندا بەردەوامە لە بەرز بونەوە، نرخی بەرمیلێک نەوتی خاوی برێنت بە ٧٤ دۆلار و ٤٩ سەنت مامەڵەی پێوە دەکرێت.
ئەمڕۆ شەممە ١٤ـی ١٢ـی ٢٠٢٤، نرخی بەرمیلێک خاوی تەکساس بە ٧١ دۆلار و ٢٩ سەنت مامەڵەی پێوە دەکرێت هاوشێوەی نەوتی خاوی برێنت بەرز بویەوە.
هاوکات، رووداوەکانی سووریا مەترسییە جیۆسیاسییەکانیان لەنێو بازاڕی نەوت
زیادکردووەو هەروەهابەهۆی ئاڵۆزبوونی جەنگی روسیا- ئۆکرانیاوە نرخی نەوت بەشێوەیەکی
بەرچاو لە ماوەی یەک هەفتەدا ٤٪ـی نرخەکەی بەرزبووەتەوە.
ئەوەش لە کاتێکدایە، بڕیارە لە سەرەتای مانگی کانوونی دووەمی ئەمساڵدا
کێڵگەی نەوتی تەنگیز کە گەورەترین کێڵگەی کازاخستانە، بگەڕێتەوە بۆ توانای بەرهەمهێنانی
تەواو و وەزارەتی وزەی کازاخستان رایگەیاندووە بەنیازە لە ساڵی ٢٠٢٥دا ٩٠ ملیۆن تۆن
نەوت بەرهەم بهێنێت، لە کاتێکدا لە ساڵی ٢٠٢٤دا ٨٨ ملیۆن تۆن نەوت بەرهەمبهێنێت.
