AM:08:42:05/12/2024
3300 جار خوێندراوەتەوە
بۆ یەکەمجار بیتکۆین بەرزبووەوە بۆ سەرووی ١٠٠ هەزار دۆلار لە کاتێکدا پێشبینییەکان ئیدارەی دۆناڵد ترەمپ سەرۆکی هەڵبژێردراوی ئەمریکا کەشێکی رێکخستنی لەبار بۆ بازاڕی دراوی کریپتۆ دابین دەکات.
ئەمڕۆ پێنجشەممە، بیتکۆین بە ڕێژەی زیاتر لە ٪٥ بازدانی بەخۆیەوە بینی و گەیشتە ئاستێکی پێوانەیی نوێ بە ١٠٢هەزار و ٨٨٨دۆلار، دوای ماوەیەکی کەم لە دوای ئەوەی ترەمپ رایگەیاند کە پارێزەری کۆمارییەکان پۆڵ ئاتکینز کە لایەنگری پەرەپێدانی دراوە کریپتۆکانە، وەک سەرۆکی دەسەڵاتی رێکخستنی بازاڕە داراییەکان.
ئەمە لەکاتێکدایە، بەهای بیتکۆین
لەمساڵدا زیاتر لە دوو هێندە زیادی کردووە، و زیاتر لە ٥٠٪ بازدانی بەخۆیەوە بینیوە،
لەدوای سەرکەوتنی گەورەی ترەمپ لە هەڵبژاردنەکاندا، کە هاوکاتە لەگەڵ هەڵبژاردنی
ژمارەیەکی زۆر لە یاسادانەرانی لایەنگری دراوی کریپتۆ لە کۆنگرێس.
هاوکات، بەرزبوونەوەی
بەهای بیتکۆین وایکردووە ببێتە یەکێک لە گەورەترین براوە لە گرەوکردن لەسەر سیاسەتەکانی
ترەمپ بەناو بازرگانییەکان.
