PM:07:52:30/11/2024
2328 جار خوێندراوەتەوە
ڤێتنام بەنیازە تۆڕێکی شەمەندەفەری خێرا بە بەهای ٦٧ ملیار دۆلار دروستبکات و باکور و باشووری وڵاتەکە بەیەکەوە ببەستێتەوە و ساڵی ٢٠٢٧ دەست بە دروستکردنی دەکرێت و ساڵی ٢٠٣٥ پرۆژەکە تەواو بکرێت.
ئەمڕۆ شەممە ٣٠ـی ١١ـی ٢٠٢٤، ئەنجوومەنی نیشتیمانی ڤێتنام رەزامەندی لەسەر ئەم پرۆژەیە دەربڕی کە تۆڕی شەمەندەفەرەکە درێژییەکەی ١٥٤١ کیلۆمەتر لە سەرانسەری ٢٠ شار و پارێزگای ڤێتنام و بە خێرایی دەگاتە ٣٥٠ کیلۆمەتر لە کاتژمێرێکدا.
هاوکات، ئەم پڕۆژەیە بە لە چوارچێوەی پلانێکی گەورەدایە بۆ پشتگیریکردن
لە گەشە و بەرزکردنەوەی ژێرخانی ئابووری و بەهێزکردنی پەیوەندییەکانی ناوچەکە و زیادکردنی
توانای کێبڕکێی ئابووری ڤێتنام.
ئەوەش لەکاتێکدایە، جێگای سەرنجە بۆ یەکەمجار لە ساڵی ٢٠١٠ ئەم پڕۆژەیە
خرایە بەردەم ئەنجومەنی نیشتمانی، بەڵام بەهۆی سنوورداربوونی ئابووری و بەرزی ئاستی
قەرزی گشتی لەو کاتەدا رەتکرایەوە، بەڵام گەشەسەندنی ئابووری ئەم دواییە هاندەری هەنگاونان
بۆ پێشەوەی ئەم پڕۆژەیەبووە، کە پێشبینی دەکرێت بزوێنەرێکی سەرەکی گەشەسەندن بێت لە
باشووری ڕۆژهەڵاتی ئاسیا.
