پسپۆڕێکی دەروونی ئاماژە بەوە دەکات کە رەنگە کەسە قسەخۆشەکان رووبەرووی تێکچوونی دەروونی و جەستەیی ببنەوە
دکتۆر جەمیل زەکی، پسپۆڕی دەروونناسی لە لێدوانێکیدا بۆ ماڵپەڕی "Instant Genius" رایگەیاند "کەسە قسەخۆشەکان تووشی رێژەیەکی زیاتری خەمۆکی و تەنیایی دەبن بە بەراورد بەو کەسانەی کە قسەی ئاسایی دەکەن"
ئاماژەی
بەوەش کرد، ئەم هەڵسوکەوتە تاکەکان لە جیهانی کۆمەڵایەتی دادەبڕێت و زیان بە توانای
دروستکردنی پەیوەندییەکی تەندروست دەگەیەنێت کە پاڵپشتی لە باشی دەروونی و جەستەیی
ئەوان دەکات.
توێژینەوەکان
دەریانخستووە رەنگە ئەو کەسانەی کە قسەخۆشن لە ناخەوە رەشبین بن یان بۆ شاردنەوەی
هەستەکانیان وابکەن ئەمەش بە تێپەڕبوونی کات کاریگەی نەرێنی لەسەر مێشک و جەستەی
دروست دەکات و رووبەرووی تەنیایی و خەمۆکی دەکاتەوە ئەمەش راستەوخۆ کاریگەری لەسەر
تەندروستی جەستەییان دەکات.
ئەو
پسپۆڕە دەروونناسە ڕوونیشیکردەوە، لە سەرانسەری جیهاندا دایکان و باوکان زیاتر فێری
منداڵەکانیان دەکەن کە جیهان پڕە لە مەترسی و سەرکەوتن پێویستی بە وریایی و کێبڕکێ
هەیە، ئەمەشی بە ستراتیژێکی پێچەوانە ناوبرد کە کاریگەری نەرێنی لەسەر تەندروستی و
بەختەوەری دەبێت.
جەمیل
زەکی دەڵێت، "هەرچەندە رەنگە قسەخۆشی رێگەیەک بێت بۆ هەستکردن بە سەلامەتی سۆزداری،
بەڵام لە کۆتاییدا دەبێتە هۆی فشار و گۆشەگیری".