PM:02:01:30/07/2024
1108 جار خوێندراوەتەوە
بانکی ناوەندیی عێراق رایگەیاند، بۆ فرۆشی ئەمڕۆ بە تێکڕا زیاتر لە ٢٦٥ ملیۆن دۆلاریان بە نرخی فەرمی بەشێوەی کاش و حەواڵەی دەرەکی فرۆشتووە. هاوکات، لە ئێستادا لە بازاڕی دراوەکانی هەرێم ١٠٠ دۆلار بە ١٤٨ هەزار و ٨٥٠ دینار مامەڵەی پێوە دەکرێت.
بانکی ناوەندیی عێراق لە سەکۆی خستنەڕووی دراوە بیانییەکانەوە ئاماژەی بەوە کردووە، بۆ فرۆشی ئەمڕۆ سێشەممە، بە تێکڕا ٢٦٥ ملیۆن و ٧٧٣ هەزار و ٤٤٣ دۆلاریان بە نرخی فەرمی بە بانک و بازرگانەکان فرۆشتووە.
باسی لەوەش کردووە، لەو رێژەیە ٢٦٢ ملیۆن و
٢٢٣ هەزار و ٤٤٣ دۆلاری بەشێوەی حەواڵەی دەرەکی، بڕی سێ ملیۆن و ٥٥٠ هەزار دۆلاری
بەشێوەی کاش فرۆشراوە.
هاوکات، لە ئێستادا لە بازاڕی دراوەکانی
هەرێم ١٠٠ دۆلار بەرامبەرە بە ١٤٨ هەزار و ٨٥٠ دینار.
پێشتر، مەزهەر محەمەد ساڵح راوێژکاری دارایی محەمەد شیاع سودانیی
سەرۆک وەزیرانی عێراق بە دیجیتاڵ میدیای ئێن ئاڕ تی راگەیاند، بەرزبوونەوەی نرخی
دۆلار ئاساییە و هیچ مەترسییەک لەسەر بەهای دینار نەماوە، هۆکاری ئەو جیاوازییەش
کە لە نێوان نرخی فەرمی بانکی ناوەندی و بازاڕەکاندا هەیە، خواستی هاوڵاتیانە بۆ
دەستڕاگەیشتن بە دۆلاری کاش.
