دیوانی سەرۆکایەتی هەرێم رایگەیاند، سه‌رۆكى هه‌رێمى كوردستان له‌گه‌ڵ جينين پلاسخارت پەیکی تايبه‌تى سكرتێرى گشتيى نه‌ته‌وه يه‌كگرتووه‌كان له عێراق کۆبوونەوە و لە کۆبوونەوەکەشدا، "بەڕێوەچوونی پرۆسەی هەڵبژاردن و ئەنجامەکانی، داهاتووی عێراق تاوتوێکران".
بەگوێرەی راگەیەندراوەکەی دیوانی سەرۆکایەتی هەرێم، له كۆبوونه‌وه‌كه‌دا به‌ڕێوه‌چوونى پرۆسه‌ى ده‌نگدان بۆ هه‌ڵبژاردنى ئه‌نجومه‌نى نوێنه‌رانى عێراق و ئه‌نجامه‌كانى، دۆخى عێراق به‌گشتى و پێشبينييه‌كان بۆ داهاتووى پرۆسه‌ى سياسى له وڵات، لەنێوان نێچیرڤان بارزانی و جنین پلاسخارت تاوتوێ كران.
ئەوەش خراوەتەڕوو، "هه‌ردوولا
هيوايان خواست ئه‌نجامه‌كانى هه‌ڵبژاردن، دامه‌زراندنى حكومه‌تێكى لێ بكه‌وێته‌وه
كه وه‌ڵامده‌ره‌وه‌ى خواست و هيوا و چاوه‌ڕوانييه‌كانى ته‌واوى پێكهاته‌كان بێت و
ئارامى و سه‌قامگيرى و خزمه‌تگوزارى بۆ عێراقييه‌كان دابين بكات".
دیوانی سەرۆکایەتی هەرێم
لە راگەیەندراوەکەیدا ئەوەی خستوەتەڕوو، "سەرۆکی هەرێم و پەیکی تايبه‌تى سكرتێرى گشتيى نه‌ته‌وه يه‌كگرتووه‌كان
له عێراق هاوڕا بوون كه پێويسته هه‌ر تانه و تێبينييه‌ك له‌سه‌ر ئه‌نجامه‌كانى
هه‌ڵبژاردن، به ڕێكاره ياسايييه‌كان يه‌كلا بكرێنه‌وه".
رۆژی ١٠ی ئەم مانگە
دەنگدانی گشتی و رۆژی هەشتی مانگیش دەنگدانی تایبەتی لەسەرانسەری عێراق و هەرێمی
کوردستان بەڕێوەچوو و دوای ئەنجامدانی هەڵبژاردنەکەش، کۆمسیۆنی باڵای سەربەخۆی
هەڵبژاردنەکان رایگەیاند، "ئەنجامی بەراوردکاری دەنگەکانی دەستیی و
ئەلیکترۆنی هاوتابوون".