کونسوڵخانەی ئەمریکا لە هەولێر لە یادی ١٢٦ ساڵەی رۆژنامەگەریی کوردیدا رایگەیاند، پێویستە رۆژنامەنووسان بتوانن بەبێ ترس و جیاوازیکردن و دەستگیرکردنی هەڕەمەکییانە کاری خۆیان بکەن.
کونسوڵخانەی ئەمریکا لە هەولێر رایگەیاندووە، جۆو بایدن سەرۆکی ئەمریکا لە وتەیەکیدا دەڵێت، "پێویستە هەمووان بەردەوامبین لە پشتیوانیکردنی راگەیاندنێکی ئازاد کە لایەنێکی بنەڕەتیی حوکمڕانییە دیموکراتییەکەمان و هەموو حکومڕانییە دیموکراتییەکانی تری جیهانە".
ئاماژەی بەوەشکردووە، "بەردەوام دەبین لە پشتیوانیکردنی
ئازادیی میدیا و رووماڵکردنی رەوا و پرۆفيشناڵانە و بێلایەنی و جێبەجێکردنی یاسای
مافی بەدەستهێنانی زانیاری لە هەرێمی کوردستان".
باسی لەوەشکردووە، "ئەو رۆژنامەوانانە سەربەرز دەبینین
کە لە بارودۆخی مەترسیداردا کاردەکەن و سوپاسیان دەکەین بۆ گەیاندنی راستیەکان پێمان".
کونسوڵخانەی ئەمریکا دەشڵێت، رۆژنامەنووسانە پێویستە
بتوانن کاری خۆیان بکەن بەبێ ترس لە جیاکاری لەسەر بنەمای ئینتیمای سیاسی و هەراسانکردن
و دەستگیکردنی هەڕەمەکیانە.
٢٢ـی نیسانی هەموو ساڵێک،ساڵیادی رۆژنامەگەریی کوردییە و
١٢٦ ساڵ بەسەر دەرچوونی یەکەم رۆژنامەی کوردیدا تێدەپەڕێت. سەرۆکی حکومەتی کاربەڕێکەریش
دەڵێت، "وەک هەمیشە هاوکار و یارمەتیدەری رۆژنامەنووس و راگەیاندنکارانی
کوردستان دەبین". لەکاتێکدا هەر ئەمڕۆ لە دیداری نێودەوڵەتیی هەولێر بۆ کاری
رۆژنامەنووسی، ستافی سەرۆکی حکومەتی کاربەڕێکەر هەموو رۆژنامەنووسان و دەزگاکانی
راگەیاندنی لە شوینی دیدارەکە دەرکرد.