سەردێڕ:

ڤیدیۆ.. بەهۆی کەوتنەوەی ئاگر لە تایوان؛ ٢٥ کەس گیانیان لەدەستدا

AM:11:54:14/10/2021

6636 جار خوێندراوەتەوە

ئاژانسی هەواڵی تایوان CNA بڵاویکردەوە، کاتژمێر ٠٢:٥٤ بە کاتی ناوخۆى ئەو وڵاتە، لە ناوچەی یانچینگ، ئاگر لە بینایەکی ١٣ نهۆمیدا کەوتووەتەوە و بەوهۆیەشەوە ٢٥ کەس گیانیان لەدەستداوە و دەیان کەسیش برینداربوون.


ئاگرەکە کاتژمێر دوو و ٥٤ خولەکی سەرلەبەیانی ئەمڕۆ لە بینایەکی ١٣ نهۆمیدا لە ناوچەی یانچینگی تایوان کەوتووەتەوە و بەوهۆیەشەوە ٢٥ کەس گیانیان لەدەستداوە، هاوکات کاتژمێر حەوت و ١٧ خولەکیش ئاگرەکە لەلایەن تیمەکانی ئاگرکوژێنەوە کۆنتڕۆڵکراوە.

 

دوای کوژاندنەوەی ئاگرەکە تیمەکان لە ناو بیناکەدا تەرمی ٢٥ کەسیان دۆزیەوە، ٤٤ کەسیش کە کەوتبوونە بەر کاریگەری ئاگرەکە و برینداربوون، گواسترانەوە بۆ نەخۆشخانە.

بەگوێرەی زانیارییەکان، مێژووی درووستبوونی بیناکە بۆ ٤٠ ساڵ پێش ئێستا دەگەڕێتەوە، بەهۆی کۆنی بیناکە و مەترسی روخانیشیەوە، کارەکانی کوژاندنەوەی ئاگرەکە بە هێواشی بەڕێوەدەچن.

لە ئێستاشدا، لایەنی پەیوەندیدار وای بۆ دەچن کە لە نهۆمەکانی ٧ و ١٣دا کە یەکەی نیشتەجێبوونن دانیشتوانەکەی کەوتبنە ژێر داروپەردوی رووخاوەوە، لەبەرئەوە نیگەرانی هەیە لە بەرزبوونەوەی ژمارەی ئەوانەی لەو رووداوەدا گیانیان لەدەستداوە.



 








گەلەری