چوار ساڵ بە ویستی خۆیان باج و سەرانەیان بەسەر خەڵکدا سەپاند، بەڵام ئیتر کە کەشوهەوای هەڵبژاردن نزیکدەبێتەوە، باجەکە کەمدەکەنەوە یاخود هەندیکی بۆ ماوەیەک لادەبەن، هاوڵاتیانیش دەبێت باش ئەمە بزانن ئەمە یاریەکی دووبارەیە و چەند بارە و سواوە.
رۆژى ٢٠ـی ئەم مانگە نەوەى نوێ دژى زیادکردنى باج و رسوماتەکان و گرانکردنى کارەبا لە دادگاى فیدراڵى عێراق سکاڵاى لەسەر حکومەتى کاربەڕێکەرى هەریم تۆمارکرد، وەک هەمیشە ئۆپۆزسیۆن نەقیزەکەی بەکارهێنا و هەر دوای ٢٤ کاتژمێر حکومەتی کاربەڕێکەر بڕیاریدا وەرگرتنەوەی پێشینەکانی هاوسەرگیریی و خانووبەرە بۆ ماوەیەک رابگرێت.
پێشەوا هەورامانى وتەبێژى حکومەتى کاربەڕێکەر رایگەیاند: حکومەت بڕیاریداوە
وەرگرتنەوەی پێشینەکانی هاوسەرگیری و خانووبەرە رابگرێت.
پێشتر حکومەتى کاربەڕێکەرى هەرێم رایگەیاند: هەموو ئەوانەى کە پێشینەى هاوسەرگیرى
و خانووبەرەیان وەرگرتووە پێویستە لەماوەى دوو مانگدا بیگەڕێننەوە، بەپێچەوانەوە
پارە لە کەفیلەکانیان دەبڕدرێت، ئەوەش نارەزایی هاوڵاتیانى لێکەوتەوە.
ئەوە لەکاتێکدایە، حکومەتى کاربەرێکەر ٢١ تریلیۆن دینار قەرزارى موچەخۆرانە
و نایانداتەوە، هاوکات پارەى کارەباى نۆ هێندە لەسەر هاوڵاتیان گران کردووە.
هەنگاوە بەپەلەکەی حکومەتی کاربەڕێکەر هاوکاتیشە لەگەڵ نزیکبونەوەی هەڵبژاردن
و وەڵامێکیشە بۆ ئەوانەی دەڵێن، دەنگدان
سودی نییە و ئەنجامەکەی دیارە و هەمان قسەی دووبارەی دەسەڵاتیان دوبارە دەکردەوە،
بەڵام دەرکەوت دەسەڵات چۆن تۆقیوە لە دەنگدان و هەڵبژاردنی ئەم جارە.
هاوکات وەک ئۆپۆزسیۆن دەڵێت، گرنگە خەڵک بەمە فریونەخوات و رۆژی دەنگدان هەڵوێستی
خۆی هەبێت، چونکە ئەم حکومەتە جارێکی تر دەنگ بەدەست بهێنێتەوە، ئەوا چوار ساڵی
داهاتوو ژیان و گوزارانی خەڵک ١٠٠ هێندەی ئێستا خراپ دەکات.