ئاماژەی بەوەشکرد، ئامانجیان ئەوەیە سەرنجی خاوەنکارەکانی کۆماری ئیسلامی ئێران رابکێشن بۆ ئەوەی کاروباری بەرهەمهێنان بهێننە هەرێمی کوردستان، لە پێناو ئەوەی هەرێم ببێتە ناوچەیەکی وەبەرهێنەر لە بری بەکارهێنەر.

ئەوەشی خستەڕوو، ئەندامەکانی یەکێتی هاوردە و هەناردەکارانی هەرێم پەیوەندییەکی پتەویان لەگەڵ خاوەنکارە ئێرانییەکان هەیە و ئەوەش هاوکاردەبێت بۆ ئەوەی رازیان بکەن تاوەکو کاروباری بەرهەمهێنان بهێننە هەرێمی کوردستان.

باسی لەوەشکرد، قەبارەی ئاڵوگۆڕی بازرگانی نێوان هەرێم و ئێران ساڵانە زیاتر لە شەش ملیار دۆلارە و فراونی بازرگانی نێوان هەرێم و ئێرانیش دەگەرێتەوە بۆ بوونی سێ دەروازەی سنووری نێوانیان و خێرایی پرۆسەی گواستنەوەی کاڵاکان.

مستەفا عەبدولرەحمان ئەوەشی ئاشکرا کرد، زۆربەی بازرگانەکان بەهۆی زۆری باج لە دەروازە سنورییەکانی هەرێم روویان لە دەروازە و بەندەرەکانی سەر بە عێراق کردووە و نزیکی ٩٠٪ی جوڵە بازرگانییەکان لە دەروازە و بەندەرەکانی عێراق ئەنجام دەدرێت ئەمەش دەگەرێتەوە بۆ کەمی باج و بوونی ئاسانکاری بۆ بازرگانان لە دەروازە سنورییەکانی عێراق.


گۆران لوقمان، سلێمانی