سەردێڕ:

یەکەم کاروانی حاجیانی ئەمساڵ گەیشتە مەککە

PM:06:42:17/07/2021

3724 جار خوێندراوەتەوە

بە مەبەستی دەستپێکردنی مەراسیمەکانی حەجی ئەمساڵ یەکەم کاروانی حاجیان گەیشتە مەککە.


بەرپرسانی حەج و عومرەی سعودیە رایانگەیاند، بەهۆی گرتنەبەری رێکارەکانی خۆپارێزی لە کۆرۆنا، لەمساڵدا تەنها ٦٠ هەزار کەس بەشداری لە رێوڕەسمی حەجدا دەکەن.

ئاماژەشیان بەوە کردووە، تەنها ڕێ بەو کەسانە دەدرێت لە سعودیە نیشتەجێبوون و ژەمەکانی ڤاکسینیان وەرگرتووە و دوورن لە هەر نەخۆشیەکی درێژخایەن.

ساڵی رابردوو، بەهۆی سەرهەڵدان و بڵاوبوونەوەی ڤایرۆسی کۆرناوە، رێکارەکانی حەج توندکران و لە رێوڕەسمەکەدا تەنها هەزار کەس بەشدارییان کرد، ئەوەش لەکاتێکدابوو ساڵی ٢٠١٩ زیاتر لە دوو ملیۆن و ٥٠٠ هەزار کەس بەشداری رێوڕەسمی حەجیان کرد.

لە ماوەی ١٠ ساڵی رابردوودا لە سەرانسەری جیهانەوە زیاتر لە ١٥٠ ملیۆن کەس رێوڕەسمی حەجیان ئەنجامداوە و سەردانی سعودیەیان کردووە، داهاتی هەر ساڵێکی حەجیش بە ١٢ ملیار دۆلار دەخەمڵێنرێت بۆ ئەو وڵاتە.

May be an image of monument







گەلەری