نوێنەری سزادراوانی بادینان رایگەیاند، لەلایەن هێزێکی ئەمنیەوە ئومێد بەرۆشکی چالاکوانی بادینان فڕێندراوە.
ئەیهان سەعید نوێنەری سزادراوانی بادینان راگەیەنراوێكی بڵاوکردەوە و تێیدا هاتووە، لە شەوی رابردوو کاتژمێر ١٢:٣٠ ئومێد بەرۆشكی رۆژنامەنوس و چالاکوانی بادینان لەلایەن هێزیکی ئەمنییەوە فڕێندرا.
هاوکات دوێنێ دادگای هەولێر بە چوار ساڵی دیکە زیندانکردن سزای شێروان شێروانی
دا و دوای ئەو بڕیارەی دادگا، ئومێد بەرۆشکی بە میدیاکانی
وت، " ئەم
بڕیارە بڕیاری دادگا نیە و بەڵکو بڕیاری مەسرور بارزانییە."
بەپێی ئاماری سەندیکای رۆژنامەنووسانی کوردستان، لە شەش مانگی سەرەتای ئەمساڵدا
٤٤ حاڵەتی پێشێلکاری دژی رۆژنامەنووسان و راگەیەندکاران لە هەرێمی کوردستان تۆمارکراوە.
زیاتر لە سێ ساڵە ژمارەیەک چالاکوان و رۆژنامەنووسی بادینان لەلایەن دەزگای
هەواڵگری هەرێمەوە دەستبەسەرکراون و تا ئێستا هەندێکیان ئازاد کراوە و بەشێکی دیکەیان
سزاکانیان درێژکراوەتەوە.