ئیدارەی خۆراک و دەرمانی ویلایەتە یەکگرتوەکانى ئەمەریکا لە رۆژی پێنجشەممە، رەزامەندیداوە لەسەر بەکارهێنانی دەرمانی Leqembi بۆ نەخۆشانی زەهایمەر و ئەوەش بۆ یەکەمین جارە ئەو دەرمانە بەرهەم دەهێنرێت.
رۆژى هەینی میدیاى ئەمەریکى رایانگەیاند، ئیدارەی خۆراک و دەرمان ناسراو بە FDA رەزامەندی داوە لەسەر دەرمانی Leqembi بۆ ئەوەی بەکاربهێنرێت و دەرمانەکەش دەبێتە هۆی کەم بوونەوەی نیشانەکانی نەخۆشیی زەهایمەر.
کۆمپانیایی دروستکەری دەرمانەکە
ناوی Eisaiیە و ژاپۆنیە و بنکەکەی لە ویلایەتە
یەکگرتوەکانى ئەمەریکایە و ئاماژەی بەوەداوە، دەرمانیLeqembi جۆرێک لە پڕۆتینی مێشک دەکاتە ئامانج کە پێی دەوترێت Beta-amyloid، کە یەکێکە لە هۆکارە بنەڕەتییەکانی نەخۆشی زەهایمەر.
لای خۆشیەوە، جۆن پایک، سەرۆک
و بەڕێوەبەری جێبەجێکاری کۆمەڵەی نەخۆشانى زەهایمەر رایگەیاند، چارەسەرەکە دەتوانێت
کاتی زیاتر بدات بەو کەسانەی لە سەرەتای نەخۆشیەکەدان وا دەکات هاوڵاتیان کاتی زیاتر
بە دەستبهێنن بۆ ناسینەوەی منداڵەکانیان و ئاماژەی بەوەشدا ستایشی پەسەندکردنی بڕیاری
خستنە بەردەستى ئەو دەرمانە دەکەن.
Leqembiچۆن
یارمەتی نەخۆشانی ئەلزەهایمەر دەدات؟
دەرمانەکە لەسەر شەش پۆلی
بیرکردنەوە تاقیکراوەتەوە کە بیرەوەری و ئاڕاستەکردن و حوکمدان و چارەسەرکردنی کێشەکان
و کاروباری کۆمەڵایەتی ماڵەوە و خولیاکان و چاودێری کەسی لە خۆگرتووە و لە تاقیکردنەوەکەدا
دەرکەوتووە تەواوی ئەو کەسانەی کە نیشانەکانیان هەیە بە باشی توانیویانە کارەکانیان
ئەنجامبدەن.
لە لایەکی دیکەوە ئەوەش دەرکەوتووە،
دەرمانەکە کاریگەری لاوەکی هەیە لەسەر مێشک و لە ١٢%ی ئەو کەسانەی دەرمانەکەیان وەرگرتووە
توشی ئاوسانی مێشک بوون و ١٧%شیان توشی خوێنبەربوونی مێشک بوون.
نەخۆشی زەهایمەر، نەخۆشییەکی
کوشندەیە و پێش دۆزینەوەى ئەم دەرمانە، هیچ چارەسەرێکی بۆ نەدۆزراوەتەوە و ئەو کەسانەی
تووشی نەخۆشییەکە دەبوون بە تەواوی یادەوەرییان لە دەست دەدەن و لە کۆتایشدا دەبێتە
هۆی مردنی کەسەکە.