کۆتایی ریخۆڵەکان و دەرچەی کۆم یەکێكە لە بەشە گرنگەکانی هەناو کە دەبێت وریای تەندروستی ببن و ئەگەر هەندێك نیشانەی لێ دەرکەوێت دەبێت پشتگوێ نەخرێت و بەزووترین کات سەردانی پزیشك بکرێت.
بۆ ئەم مەبەستە ماڵپەڕی "مایۆکلینیك" ئاماژەی بە چەند نیشانەیەك کردووە کە ئاماژەن بۆ تووشبوون بە شێرپەنجەی کۆم و باشتروایە کە پشتگوێ نەخرێن، لەوانەش:
-گۆڕانی سروشتی کاری هەناو کە وابکات سکتبچێت یاخود قەبز بیت یان زۆر پیسایی بکەیت
-بوونی خوێنێکی تۆخ یان سوور لەگەڵ پیساییدا
-بوونی شلەیەکی سپی لەگەڵ پیساییدا
-ئازاری سک
-ئازار لەکاتی پیسایی کردندا
-تووشبوون بە کەمخوێنی بەهۆی کەمبوونەوەی ئاسن لە جەستەدا
-هەست بەوە بکەیت کە هەناوت بە تەواوەتی بەتاڵ نابێت
-دابەزینی کێش بەبێ هۆکار
- ماندوێتی و لاوازیی جەستەیی