یۆرگ هانلە، خاوەنی ماڵپەرى ئەلیکترۆنی پلۆس فۆرەم پی سی، چوار هەنگاوی بۆ خێراترکردنی کۆمپیوتەرەکان بڵاوکردەوە.
ئاماژەی بەوەشکردووە، کردنەوەی بەرنامە ناپێویستەکان کاریگەری دەکەنە سەر ئەدای کۆمپیوتەر و یەکەمین هەنگاو بۆ خێراکردنی ئەو بەرنامانە داخستنیانە.
ئەوەشی خستوەتەڕوو، کەمکردنەوە و بەتاڵکردنەوەی ئەو فۆڵدەرانەى کە فایلی
زۆری تیادا هەڵگیراوە و قورسی فۆڵدەرەکان زیان بە سیستمی ئیشپێکردن و کارپێکردنی بەرنامەکان
دەگەیەنێت.
باسی لەوەشکردووە، لە سێیەمین هەنگاودا، سۆفتوێری پاککردنەوەی سیستم بەکاربێت
بە ئامانجی پارێزگاریکردنی کۆمپیوتەرەکە لەڤایرۆس و لەناوبردنیان.
راشیگەیاندووە، کۆتا هەنگاو بریتییە لە چاککردنەوە و دەستکاریکردنی کۆمپیوتەرەکە
لە چەند کاتێکی جیاوازدا لەوانەش لابردنی تەپوتۆز و پیسی، پیسبوونی کۆمپیوتەر کار دەکاتەسەر
خێرایی کۆمپیوتەرەکە.