PM:02:44:15/09/2021
19368 جار خوێندراوەتەوە
کۆمسیۆنی باڵای سەربەخۆی هەڵبژاردنەکان لە عێراق رایگەیاند، بە مەبەستی پاراستنی ئیرادەی دەنگدەر و بە نهێنی هێشتنەوەی پرۆسەی دەنگدان، هێنانی مۆبایل بۆ ناو وێستگەی دەنگدان قەدەغەیە.
ئەمڕۆ چوارشەممە، کۆمسیۆنی باڵای سەربەخۆی هەڵبژاردنەکان لە عێراق راگەیەنراوێکی بڵاوکردەوە و تیایدا هاتووە، هێنانە ناوەوەی مۆبایل بۆ ناو وێستگەکانی دەنگدان بە هەموو شێوەیەک قەدەغەیە. ئاماژەی بەوەشداوە، ئەم هەنگاوەش بە ئامانجی پاراستنی ئیرادەی دەنگدەر و بە نهێنی هێشتنەوەی پرۆسەی دەنگدانە.
بەئامانجی بەڕێوەچوونی هەڵبژاردنێک کە کەمترین بواری ساخەتەکاری
تێدابێت و دڵنیایی بدرێتە دەنگدەر بەو پەڕی ئازادی و بە ئیرادەی خۆیەوە دەنگبدات و
نوێنەری خۆی بۆ پەرلەمانی عێراق هەڵبژێرێت، کۆمسیۆن هەوڵەکانی بەو ئاراستەیە چڕکردووەتەوە.
قەدەغەکردنی هێنان و بەکارهێنانی مۆبایلیش بە هەمان ئامانجە.
ئەمە لەکاتێکدایە، بڕیارە بەچاودێری چەندین نوێنەری نێودەوڵەتی
ئەوروپی و نەتەوەیەکگرتووەکان و کۆمکاری عەرەبی و چەندین رێکخراوی نێودەڵەتی و دامەزراەکانی
کۆمەڵگەی مەدەنی لە ١٠ی تشرینی یەکەمی ئەمساڵ هەڵبژاردنی پەرلەمانی عێراق بەڕێوەبچێت.
كـ، ئـ