دەستەی کەشناسی عێراق رایگەیاند، لە رۆژی یەکشەممەوە تا رۆژی چوارشەممە ئاسمانی ناوچەکانی هەرێم هەوراوی دەبێت و نمەباران دەبارێت و بەپێی پێشبینییەکان زۆرترین رێژەی بارانبارین لە سلێمانی و هەڵەبجە دەبێت.
دەستەی کەشوهەوای عێراق راگەیەندراوێکی بڵاوکردەوە و تێیدا هاتووە، سبەی یەکشەممە ئاسمانی ناوچەکانی هەرێم نیمچە هەور دەبێت و ئەگەری بارانبارینی مامناوەند هەیە و هەورەبروسکەشی لەگەڵ دەبێت.
ئاماژەی بەوەشداوە، لە رۆژی دووشەممە ئاسمانی ناوچەکانی هەرێم بە گشتی هەوراوی
دەبێت و نمەباران دەبارێت و دواتر دەگۆڕێت بۆ بارانی مامناوەند و هەورەبروسکەشی لەگەڵ
دەبێت و پلەی ناوچەکانی رۆژئاوای هەرێم دادەبەزێت.
ئەوەشی خستووەتەڕوو، لە رۆژی سێشەممە بارانبارین لە ناوچەکانی هەرێم بەردەوام
دەبێت و پلەکانی گەرما هاوشێوەی رۆژانی رابردوو دەبێت.
هەربەگوێرەی راگەیەنراوەکەی دەستەی کەشناسی عێراق، رۆژی چوارشەممەش بەهەمان
شێوە نمەباران لە زۆربەی ناوچەکانی هەرێم دەبارێت بە تایبەتی لە ناوچەکانی رۆژهەڵاتی
وەک پارێزگای سلێمانی و هەڵەبجە.
ئەمە لەکاتێکدایە، هەر ئەمڕۆبەڕێوەبەرایەتی گشتی کەشناسی و بومەلەرزەزانی هەرێم راگەیەنراوێکی بڵاوکردەوە
و ئاماژەی بەوەدابوو، بۆ ئەمڕۆ ئەگەری بارانبارین هەیە و سبەینێش لێزمەباران و هەورەتریشقە
دەبێت.
ئـ - ع