زانایانی شوێنەواری ئیندۆنیسیا ئێسکە پەیکەری ژنێکیان دۆزییەوە کە بۆ حەوت هەزار و ٢٠٠ ساڵ پێش ئێستا دەگەڕێتەوە و بانگەشەی ئەوە دەکەن پێشتر ئێسکە پەیکەری مرۆڤی لەو چەشنە نەبووە.
بەگوێرەى میدیاکان، ئێسکە پەیکەرەکە هی کچێکی ١٧ بۆ ١٨ ساڵە و نێژراوە و کۆرپەیەکیش لە سکیدایە و ئێسکەکانی لەناو ئەشکەوتێکدا زۆر بەباشی ماونەتەوە.
ئەوەشیان خستوەتەڕوو، ئەو ئێسکەپەیکەرە لەناو ئامرازەکانی راوکردنی کۆمەڵێك
راوچیدا دۆزراوەتەوە و بەیەکەمین کەس دادەنرێت لەناو ئەو گروپەدا دۆزرابێتەوە.
شیکاری ترشی ناوەکی بۆ ئەو کچە راوچییە دەریدەخات کە سەر بە گروپی
بابوانی و دانیشتوانی رەسەنی ئیندۆنیسیایە.
زانایانی ئوسترالیا و ئیندۆنیسیا بەیەکەوە توێژینەوەیەکیان لەسەر ئەو
ئێسکە پەیکەرە کردووە و بانگەشەی ئەوە دەکەن، یەکەمین جارە لە مێژوودا ئێسک و
پروسکی کەسێك ناوچەی هێڵی ئیستیوا بدۆزرێتەوە.
زاناکان لەو بڕوایەدان، ئەو دۆزینەوەیە بەو مانایە دێت کە مرۆڤەکان گەیشتوونەتە
ئەشکەوتی لیانگ بانینجی لە باشوری دورگەی سولاویسی ئیندۆنیسیا.