هەریەکە لە راوێژکاری ئاسایشی نیشتیمانی ئەمەریکا و وەزیری دەرەوەی عێراق پەیوەندییەکی تەلەفونییان ئەنجامدا و تیایدا جەختییان لە بەردەوامیدان بە پەیوەندییە دوو قۆڵییەکانیان لە بوارە جیاوازەکاندا کردووەتەوە.
لە راگەیەندراوێکدا؛ ئیمیلی هۆرن وتەبێژی ئەنجومەنی ئاسایشی نیشتیمانی ئەمەریکا ناوەڕۆکی پەیوەندییە تەلەفونییەکەی جەیک سولەیڤان و فوئاد حسێنی ئاشکراکرد و تیایدا دەڵێت، "سولیڤان سوپاسی ئەو سەرەخۆشییەی کردوە کە عێراق دوای پەلامارە تیرۆريستییەکانی کابوڵ، لێیکردون".
تایبەت بە
ناوەڕۆکی پەیوەندییە تەلەفونییەکەی راوێژکاری ئاسایشی نیشتیمانی ئەمەریکا و وەزیری
دەرەوەی عێراق، راگەیەندراوەکە ئەوەی خستوەتەڕوو، "هەردوولا باسییان لە گرنگی
رۆڵی عێراق لە ناوچەکە و هەوڵە دیپلۆماسییەکانی بەغدا بۆ کۆکردنەوەی وڵاتانی ناوچەکە
و کەم کردنەوەی گرژییەکان کردووە ".
هاوکات، هەردوولا
هاوڕابوون لەسەر بەردەوامیدان بە هەماهەنگییە ئەمنییەکانیان بۆ ئەوەی رێگە نەدەن
جارێکی دیکە داعش لە عێراق سەرهەڵبداتەوە.
هەر لە
پەیوەندییە تەلەفونەکانیشیاندا، جەیک سولەیڤان و فوئاد حسێن جەختیان لەوەکردوەتەوە،
"لەپێناو رێگریکردن لە پڕوپاگەندە، سەرچاوەی دارایی داعش و هاتوچۆی چەکدارانی
بیانی، هەماهەنگییەکانیان لەگەڵ هاوپەیمانە نێودەوڵەتییەکانیان درێژەپێدەدەن".
ئەمڕۆش، بەبەشداری سەرۆک و بەرپرسانی باڵای
نۆ وڵاتی ناوچەکە و جیهان و دەیان راوێژکار و کەسانی بەرپرسی جیهانی، "لوتکەی
بەغدا بۆ هاوکاری و هاوبەشی" بەڕێودەچێت، درەنگانی شەوی رابردووش ئیامنوێل
ماکرۆنی سەرۆک کۆماری فەڕەنسا گەشتە بەغدای پایتەخت و لەلایەن مستەفا کازمیی
سەرۆکوەزیرانی عێراقەوە پێشوازی لێکرا.