PM:04:44:14/11/2022
128608 جار خوێندراوەتەوە
دەستەی کەشناسی عێراق رایگەیاند، پێشبینیدەکرێت رۆژی پێنجشەممەی داهاتوو بارانێکی بەخوڕ لە وڵاتدا ببارێت و لە هەریەک لە پارێزگاکانی سلێمانی و هەولێر و میسان و کوت و دیالە ئەگەری دروستبوونی لافاوی هەیە.
ئەمڕۆ دووشەممە، دەستەی کەشناسی عێراق راگەیەنراوێکی بڵاوکردەوە و تیایدا هاتووە، وڵات دەکەوێتە ژێر کاریگەری نزمە پەستانێک لە ئەنجامی یەکگرتنی هەردوو نزمە پەستانی دەریای سور و دەریای ناوەڕاستەوە دروسدەبێت.
ئاماژەی بەوەشداوە،
رۆژی چوارشەممە، رێکەوتی ١٦ی ١١ی ٢٠٢٢ لەسەرتاسەری وڵاتدا بارانێکی مامناوەند خوڕ
دەبارێت و دواتر دەگۆڕیت بۆ بارانێکی بەخوڕ و هەورە بروسکەشی لەگەڵدا دەبێت.
راگەیەنراوەکە ئەوەشی
خستووەتەڕوو، رۆژی پێنجشەممە رێکەوتی ١٧ی ١١ی ٢٠٢٢، لە دوانیوەڕۆوە کاریگەری نزمەپەستانەکە
بەشێوەی پلەبەندی لاوازدەبێت و کەشوهەوا ئاسایی دەبێتەوە.
دەشڵێت، هەر رۆژی
پێنجشەممە لە بەشی رۆژهەڵاتی عێراق و هەرێمی کوردستان کاریگەری نزمەپەستانەکە بەردەوامدەبێت
و بەهۆیەوە بارانی مامناوەندخوڕ دەبارێت و دەگۆڕێت بۆ بارانی بەخوڕ و بەمەش ئەگەری دروستبوونی لافاو لە پارێزگای سلێمانی
و هەولێر و میسان و کوت و دیالە هەیە.
