بەگوێرەی زانیارییەکانی پەیامنێری ئێن ئاڕ تی، ناوچەی سیدەکانی سەر بە ئیدارەی سۆران بۆردوومانکراوە.
بەپێی زانیارییەکانی پەیامنێری ئێن ئاڕ تی لە سۆران، چیاکانی بەربزین و سەقەڕ لە ناوچەی سیدەکان سەر بە ئیدارەی سۆران بۆردوومانکراوە.
ئیحسان چەلەبی بەرێوەبەری
ناحیەی سیدکان بە ئێن ئاڕ تی راگەیاند، "ئەمڕۆ بەیانی کاتژمێر ٩:٠٠ ھەریەك لە کوێستانەکانی
بەربزین لەگەڵ گوندی بن پەرێزە لەلایەن تۆپخانەکانی ئێرانەوە تۆپباران کران، و کاتژمێر
٩:٥٥ گوندی تەلان لەلایەن فرۆکەی بێ فرۆکەوانی ئێران بۆردومان کرا.
وتیشی، "تاکو ئێستا تۆپبارانەکە
بەردەوامە و زیانی گیانی نەبووە بەڵام ترس و دڵەڕاوکێی زۆر لەناو خەڵک بڵاوبووەتەوە."
باسی لەوەشکردووە، لە زۆربەی
شوێنەکان خەڵکی لێیە بە تایبەت مەڕدارەکان و ئەوەشی خستووەتەڕوو، گەر تۆپبارانەکان بەردەوام بن خەڵک ناوچەکانیان
جێ دەھێڵن چونکە تا ئێستا ناوە ناوە تۆپ بارانەکە بەردەوامە."
ئەمەش لە کاتێکدایە،
بەیانی ئەمڕۆ بنکە و بارەگای حزبە کوردییەکانی رۆژهەڵاتی کوردستان لە کۆیە و زڕگوێز
بۆردوومانکرا و دواتریش سوپای پاسدارانی ئێران بەرپرسیاریەتی هێرشەکەی راگەیاند.
کەریم کەیفی، سۆران