سەردێڕ:

وەزارەتی تەندروستی نوێترین ئاماری گیانلەدەستدانی رووداوەکەی زیقاری بڵاوکردەوە

AM:10:12:14/07/2021

1904 جار خوێندراوەتەوە

وەزارەتی تەندروستی و ژینگەی عێراق رایگەیاند، ژمارەی ئەو کەسانەی لە رووداوی ئاگر کەوتنەوەی نەخۆشخانەی ئیمام حسێن گیانیان لەدەستداوە ٦٠ هاوڵاتین. دەشڵێت، "٢١ کەس لەوانەی گیانیانلەدەستداوە ناسنامەیان نادیارە".


وەزارەتی تەندروستی و ژینگەی عێراق رایگەیاند، ژمارەی ئەو کەسانەی لە رووداوی ئاگر کەوتنەوەی نەخۆشخانەی ئیمام حسێن گیانیان لەدەستداوە ٦٠ هاوڵاتین. دەشڵێت، "٢١ کەس لەوانەی گیانیانلەدەستداوە ناسنامەیان نادیارە".


ئەمڕۆ چوارشەممە، وەزارەتی تەندروستی و ژینگەی عێراق راگەیەنراوێکی بڵاوکردەوە و تیایدا هاتووە، لە کۆی ٦٠ هاوڵاتی لە وانەی لە رووداوی ئاگرکەوتنەوەینەخۆشخانەی ئیمام حسێن لە پارێزگای زیقار گیانیانلەدەستداوە، ٣٩ کەسیان ناسنامەیان دیارە و ٢١ کەسی دیکەیان تا ئێستا ناسنامەکانیان دەستنیشان نەکراوە.


لە راگەیەنراوەکەداهاتووە، لە ئێستادا رێوشوێنی پێویستیان گرتووەتەبەر بۆ ناساندن و دەستنیشان کردنی ناسنامەی ئەو ٢١ هاوڵاتییە و هەرکات رێکارەکان تەواوبوون ئەنجامەکەی رادەگەیەنن.


پێشتر، میدیا ناوخۆییەکانی عێراق بڵاویان کردەوە، ژمارەی ئەو هاوڵاتییانەی لە ئەنجامی رووداوەکە گیانیان لەدەستدا ٦٣ کەس بوون و ١٠٠ هاوڵاتی دیکە برینداربوون.


دواتر، فەرمانگەی تەندروستی پارێزگای زیقار بڵاویکردەوە، ژمارەی ئەوکەسانەی لەئەنجامی رووداوەکە گیانیان لەدەستداوە بەرزبووەتەوە بۆ ٩٢ هاوڵاتی و ٥٠ هاوڵاتی دیکەش برینداربوون.


شەوی دووشەممە ئاگر لە نەخۆشخانەی ئیمام حسێنی زیقار کەوتەوە کە تایبەتە بە توشبووانی ڤایرۆسی کۆرۆنا و بەپێی زانیارییەکان، ئاگرەکە بەهۆی تەقینی بتڵێکی ئۆکسجینەوە بووە، بەڵام نازانرێت کە بۆچی بتڵەکە تەقیوە.


وەک میدیا عێراقیەکان باسی دەکەن، دوو لەو کەسانەی گیانیان لەدەستداوە کارمەندی نەخۆشخانەکەن و پاش چەند کاتژمێرێک لە ئاگرەکە ئینجا توانرا کۆنترۆڵبکرێت، بەڵام نەخۆشخانەکە بە تەواوی سوتا.


پاش کەوتنەوەی ئاگرەکە باری نائاسایی لە زیقاردا راگەیاندرا و هێشتا لایەنە پەیوەندیدارەکان لە ئەنجامدانی لێکۆڵینەوەکانیان بەردەوامن و بە فەرمی هیچ لایەنێکی حکومی هۆکاری رووداوەکەی ئاشکرا نەکردووە.


ئەوەش لە کاتێکدایە، سەرلەبەیانی دوێنێ دووشەممەش؛ ئاگر لەنێو باڵەخانەی وەزارەتی تەندروستی کەوتەوە، بەڵام جگە زیانە ماددییەکان هیچ زیانێکی گیانی لێ نەکەوتەوە.

كـ ، ئـ







گەلەری