سەردێڕ:

لەبارەی ئەفغانستان و تاڵیبانەوە؛ پوتین و ماکرۆن پەیوەندییەکی تەلەفۆنییان ئەنجامدا

PM:01:28:20/08/2021

1764 جار خوێندراوەتەوە

سەرۆککۆماری روسیا و سەرۆککۆماری فەڕەنسا لە پەیوەندیەکی تەلەفۆنیدا، دوایین رووداو و پێشهاتەکانی ئەفغانستانیان تاوتوێکرد و رایانگەیاند، پاڵپشتی هەر هەوڵێکی هاوبەش دەکەن بۆ بەرقەرارکردنی ئاشتی لە ئەفغانستان.


کۆشکی سەرۆکایەتی روسیا لە راگەیەندراوێکدا ئاماژەی بەوەکردووە، ڤلادمیر پوتین و ئیمانوێڵ ماکرۆن لە پەیوەندییە تەلەفۆنییەکەدا، جەختیان لەسەر پێویستی بەرقەرارکردنی ئاشتی لە ئەفغانستان کردووە و رایانگەیاندووە، پشتگیری لە هەر هەوڵێکی هاوبەش دەکەنەوە کە بۆ ئەو مەبەستە بدرێت.

رۆژی ١٥ی ئەم مانگە، تاڵیبان چوونە نێو کابوڵی پایتەختی ئەفغانستان و کۆنترۆڵیان کرد، سەرۆکی پێشووی ئەو وڵاتەش و بەشێکی زۆر لە بەرپرسە باڵاکانیش هەڵهاتن.

کۆشکی سەرۆکایەتی روسیا باسی لەوەشکردووە، پوتین و ماکرۆن پرسی رێککەوتنە ناوەکییەکەی ئێرانیان تاوتوێ کردووە و پشتیوانی خۆیان بۆ بەردەوامبوونی دانوستانەکان لەسەر کاراکردنەوەی رێککەوتنەکە دووپاتکردەوە.









گەلەری