ئاماژەی بەوەشداوە، هەندێ کەس توڕییەکەیان بە تیژرۆیی دەردەبڕن لە نزیک ئەو ئۆتۆمێلەی شۆفێرەکەی دەستی شکاندووەتە سەری یان توڕە دەبێت و دەمەقاڵە دروستدەکات.

رایان مارتن لە کتێبەکەیدا " Why We Get Mad: How to Use Your Anger for Positive Change – بۆچی توڕەدەبین: چۆن توڕەییەکەت بەکاردەهێنی بۆ روودانی شتێکی ئەرێنی" دەڵێت، بەشێک لە شۆفێران بە توڕەبوون یان بێئومێدبوون هەستی خۆیان دەردەبڕن و هەموو ئەمانە بڕیاردانی هەڵەن و دەبنە هۆکاری روودانی کارەسات یان مردنی کەسێک.

هەروەها، ئیمانوێل رۆبنسۆن مامۆستا و توێژەر لە بواری دەرونناسیدا باسی لەوەکردووە، بەشیک لە خەڵکی گرفت و کێشە و ئاڵۆزییەکانی ماڵەوە یان شوێنی کارەکانیان لەکاتی شۆفێری کردندا دەردەبڕن، هەربۆیە بچوکترین شت وایان لێدەکات بەشێوەیەکی شێتانە شۆفێری بکات.

دەشڵێت، بەشێک لە شۆفێران هەست بە ونبوون و لەدەستدانی شوناسی خۆیاندەکەن لە کاتی شۆفێری کردندا، ئەمەش وادەکات بڕیاری هەڵە بدەن.

رایان مارتن دەڵێت، هەندێک لە شۆفێران وادەزانن کاتێک توڕەدەبن و بەخێراییەکی زۆرەوە شۆفێری دەکەن، ئیستۆپ گرتن ئاسانە و دەتوانی بێکێشە کنتڕۆڵی ئۆتۆمبێلەکانیان بکەن، نازانن کە دەکرێت لەهەر ساتێکدابێت رووداوی نەخوازراوی لێبکەێتەوە.

بەمەبەستی کۆنتڕۆڵکردنی ئەم دۆخە، ئیمانوێل رۆبنسۆن رێنمایی شۆفێراندەکات بەوەی هەناسەیەکی قوڵ هەڵمژن و وەڵامی کەس نەدەنەوە و خۆیان بگرن کردانەوەی خێرایان نەبێت.

گوێگرتن لە میوزیکی ئارام یان هەواڵەکان لە رێگەی رادیۆوە لەکاتی شۆفێریکردندا، دەکرێت ببێتە هۆی ئارامکردنەوەی دەرون و هەستی شۆفێران.