وەزارەتی سامانە سروشتییەكانی هەرێمی كوردستان ڕایگەیاند لەمرۆوە لە سلێمانی بەنزینی ٦٩٠ دیناری دابەش دەکرێت، بەڵام ئەو بەنزینە بۆ ھێڵەكانی گشتیی گواستنەوەیە.
ئەحمەد موفتی بریكاری وەزیری سامانە سروشتییەكان رایگەیاند: بڕیاریانداوە بەنزینی ٦٩٠ دیناری تایبەت بكرێت بە پاس و تەكسی تاوەكو رێگری لە بەرزبوونەوەی نرخی ھاتوچۆی ھاوڵاتیان بگرن، رۆژانەش ٤٠٠ ھەزار لیتر لەو بەنزینە رەوانەی سلێمانی دەكرێت.
هاوکات، بەڕێوەبەرایەتی نەوت و كانزاكانی سلێمانی
بڵاویكردەوە: لە ئەمڕۆوە حەوت بەنزینخانەی دابەشکردنی بەنزینی ٦٩٠ دیناریان لە سلێمانی
دیاریکردوە.
ئەمەش لەکاتێکدایە، لەدوای فشارەکانی هاوڵاتییان
و دابەشکردنی بەنزینە هەرزانەکەی نەوەی نوێ، وەزارەتی سامانە سروشتییەکان بڕیاریدا
بە دابینکردنی بەنزینی ٨٠٠ دیناری لە بەنزینخانەکانی سلێمانی و هەڵەبجە و ئیدارەکانی
سەر بە پارێزگای سلێمانی بە بڕی یەک ملیۆن لیتری رۆژانە.
ئەمەش لەکاتێکدایە، بەنزینی ٦٩٠ دیناری دوای ئەوە
دێت، دابەشکردنی بەنزینەکە لە سنوری سلێمانی چەندین جار بۆ ماوەی زۆر راگیراوە و کۆتا
جاریش لە هەفتەی رابردوودا بوو کە تەنها یەک رۆژ دابەشکرا و راگیرا.