سەردێڕ:

گەنجێک لەکاتی مەلەکردندا لە دەریاچەی دوکان خنکا

PM:06:16:21/06/2022

5020 جار خوێندراوەتەوە

قایمقامی دوکان لە لێدوانێکدا بۆ ئێن ئاڕ تی رایگەیاند، دوانیوەڕۆی ئەمرۆ لە دەریاچەی دووکانی سەروو گەنجێک لەکاتی مەلەکردندا خنکاوە و دوای کاتژمێرێک تەرمەکەی لە ئاوەکە دەرهێندراوە و رادەستی کەسوکاری کراوەتەوە.


سیروان سەرحەد قایمقامی دوکان لە لێدوانێکدا بۆ ئێن ئاڕ تی رایگەیاند، رووداوەکە دوانیوەڕۆی ئەمڕۆ روویداوە و ئەو کەسەی خنکاوە گەنجە و لەگەڵ دوو هاوڕێی دیکە بەمەبەستی مەلەکردن روویان لە دەریاچەی دووکانی سەروو کردووە.

باسی لەوەشکردووە، گەنجەکە ناوی (س.ک) وە و تەمەنی ٢٠ ساڵە و دانیشتووی قەزای بازیانە.

ئاماژەی بەوەشکردووە، دوای ئاگادارکردنەوە، تیمەکانی بەرگری شارستانی و مەلەوانی چوونە شوێنی رووداوەکە و دوای کاتژمێریک تەرمەکە دەرکراوە و رەوانەی پزیشکی دادی سلێمانی کراوە و رادەستی کەسوکارەکەی کراوەتەوە.

گۆران لوقمان، سلێمانی













گەلەری