بەهۆی بارینی بارانی بەخوڕ و رۆچوونی زەوییەوە لە هیندستان و بەنگلادیش ٣٤ کەس گیانیانلەدەستدا و ژمارەیەک هاوڵاتی برنداربوون. لە هیندستانیش زیاتر لە ١٠٨ هەزارکەس و لە بەنگلادیش چوارملیۆن هاوڵاتی ئاوارەبوون.
لە ماوەی ٢٤ کاتژمێری رابردوودا، لە ئەنجامی ئەو لافاوەی لە ٢٨ قەزای ویلایەتی ئاسام لە باکوری خۆرهەڵاتی هیندستان دروستبووە و نۆ کەس گیانیان لەدەستداوە.
بەگوێرەی
لێدوانی بەرپرسانی هیندستان، لە ماوەی پێنج رۆژی رابردوودا، بەهۆی لافاو و رۆچوونی
زەویەوە کاریگەری لەسەر زیاتر لەیەک ملیۆن و ٨٠٠ هەزار هاوڵاتی دروست کردووە و زیاتر لە ١٠٨ هەزار کەسیش ئاوارەبوون و پەنایان
بردووەتە بەر کەمپەکانی هاوکاری.
هەروەها،
لە ٦ی ٤ی ٢٠٢٢ەوە تا ئێستا لە هیندستان ٥٤ کەس بەهۆی کارەساتە سروشتییەکانی وەک
لافاو و رۆچوونی زەوییەوە گیانیان لەدەستداوە.
هاوکات، لە شاری جاتیگرامی بەندەری باشوری بەنگلادیش،
بەهۆی بارانی بەخوڕەوە کە لە دوێنێ ئێوارەوە تا ئێستا بەردەوامی هەیە ٢١ کەس گیانیانلەدەستداوە و بەهۆی رۆچوونی زەوییەوە چوار کەس
گیانیان لەدەستداوە.
لەلایەن خۆیەوە پۆلیسی بەنگلادیش رایگەیاند،
بەهۆی بارینی بەخوڕ و دروستبوونی لافاوەوە ژمارەی ئەو کەسانەی گیانیان لەدەستداوە
بۆ ٢٥ کەس بەرزبووەتەوە.
دەشڵێت، زیاتر لە چوار ملیۆن هاوڵاتیش ئاواربوون و ماڵ
و حاڵییان بەجێهێشتووە.
ئەمە
لەکاتێکدایە، لە ماوەی ١٥ ساڵی رابردوودا، بەهۆی رۆچوونی زەوی لە ناوچە بەرزەکانی بەنگلادیش زیاتر
لە ٢٠٠ کەس گیانیان لەدەستداوە.