ناتۆ بەمەبەستی پەرەدان بە بەرگریی ئاسمانی پۆڵەندا و وڵاتانی باڵتیک مانۆڕێکی سەربازی ئەنجام دەدات.
ئەمڕۆ سێشەممە، رێکخراوی پەیمانی باکوری ئەتڵەسی راگەیەنراوێکی بڵاوکردەوە و تیایدا هاتووە، رێکخراوەکە بەمەبەستی پەرەدان بە بەرگریی ئاسمانی پۆڵەندا و وڵاتانی باڵتیک مانۆڕێکی سەربازی ئەنجام دەدات.
ئاماژەی بەوەشداوە، لە مانۆڕە
سەربازییەکەدا کە ناوی"Ramstein Legacy 2"ی
لێنراوە و بڕیارە لە نێوان ٦-١٠ی حوزەیران بەڕێوەبچێت و فڕۆکەی جەنگی و سیستمەکانی بەرگریی مووشەکی و بەرگریی
ئاسمانی تیایدا بەکاردەھێندرێت.
راگەیەنراوەکەی ناتۆ ئەوەشی
خستووەتەڕوو، جگە لە پۆڵەندا هەریەک لە
وڵاتانی لیتوانیا، لاتیڤیا و ئیستۆنیا، ١٧ وڵات کە له ھاوپەیمانەکانی ناتۆ و ھاوبەشەکانی
پێکھاتوون بەشداری لە مانۆڕەکەدا دەکەن.
راگەیەندراوەکە باسی
لەوەشکردووە، لە دوای ھێرشەکانی رووسیا بۆ سەر ئۆکرانیا بەکارھێنانی مووشەک، فڕۆکەی
بێفڕۆکەوان و فرۆکەی جەنگی لە نزیک سنوورەکانی وڵاتانی ھاوپەیمانییەکە زیادیکرووە،
ئەوەش خراوەتەڕوو کە ھێرشەکانی سەر ناوچەی ناتۆ و ئەگەرەکانی وەکو بە ھەڵە لێکدانەوە
و کۆنترۆڵ لەدەستدان زیادیکردووە.
ھاوکات، جێف ھاریجن فەرماندەی
فەرماندەیی ھێزی ئاسمانیی ھاوپەیمانی ناتۆ، دەربارەی مانۆڕەکە راگهیهندراوێكی بڵاو
كردهوه و تێیدا هاتووه، "بە لەبەرچاوگرتنی بارودۆخی ئەمنی ئێستای دوای داگیرکردنی
ئۆکرانیا لەلایەن رووسیاوە، ئیتر مانۆڕی بەرفراوانی لەم جۆرە له ئێستادا لە ھەموو
کات زیاتر بۆ ناتۆ گرنگه".
ئاماژەی بەوەش کردووه ،
لهرێگهی مانۆڕهكهوه توانای ناتۆ بۆ پاراستنی ناوچەکەی خۆی زیاد دەکات و مانۆڕەکە
هاوكات ئاماژەیه بۆ پابهندیی ناتۆ به پاراستنی ئاسایش و سەقامگیری ناوچەکە.