زانایانی زانکۆی وێسترنی باکور لە ویلایەتی ئەلینوای ئەمریکا بچوکترین رۆبۆتیان دروستکردووە کە قەبارەکەی کەمترە لە نیو ملیمەتر و چاوەڕوان دەکرێت لە چەندین بواری جیاوازدا ئەرکەکانی لە چەند خولەکێکدا تەواو بکات.
گۆڤاری زانستی رۆبۆتەکان لە نوێترین توێژینەوەیدا لەبارەی رۆبۆتەکەوە رایگەیاندووە، رۆبۆتەکە قەبارەی کەمترە لە نیو ملیمەتر و کێشێکی کەمی هەیە و لە دوورەوە دەتوانرێت جوڵەی پێبکرێت و دەتوانێت شێوەی خۆی بگۆڕێت بۆ شێوەی کرم و جاڵجاڵۆکە و قڕژاڵ.
ئاماژە بەوەشکراوە، لە دۆخی
ئاسایی خۆیدا رۆبۆتەکە تەختە و وەک پارچە کاغەزێک وایە و لەرێگەی گەرمی لەیزەرەوە شێوەکەی دەگۆڕێت بۆ هەر
شێوەیەک و دەستکردنی بە جوڵە.
جۆن رۆجەرس کە یەکێکە لە
نوسەرانی توێژینەوەکە دەڵێت، کاتێک رۆبۆتەکە پلەی گەرمای دیاریکراو وەردەگرێت لە
زنجیرەیەکی دیاریکراودا، ئەوا شێوەی قڕژاڵ وەردەگرێت و شێوەی جوڵەکەی وەک شێوەی مرۆڤ
دەبێت و دەتوانێت بسوڕێتەوە و باز بدات.
تیمی رۆجەرس کە لە خوێندکارەکانی
لە ئاستی ئەکادیمی جیاواز پێک هاتوون و شارەزایی و بیرکردنەوەی رەخنەیی و داهێنەرانەیان
تێکەڵ کردووە، ساڵ و نیوێک سەرقاڵ بوون بە
دروستکردنی ئەم رۆبۆتە بچووکانەوە.
هاوکات، ئەم رۆبۆتانە هێشتا
لە ژێر پەرەسەندندان و توێژەران پێشبینی دەکەن کە لە داهاتوودا بتوانن بەکاریانبێنن
لە نەشتەرگەرییەکاندا لەگەڵ چارەسەری خانە و شانەکان لە جەستەی مرۆڤ و چارەسەری ڤێتەرنەری
و چاککردنەوەی ئامێرە بچووکەکان و تەنانەت لە کەرتی فڕۆکەوانیشدا.
ل.ل
کـ - ئـ