توێژینەوەیەکی نوێ دەریخستووە کە ئەو پیاوانەی گۆشت زۆر دەخۆن لەوانەیە لە هاتوودا تووشی نەزۆکی ببن و منداڵیان نەبێت.
بەپێی ماڵپەڕی " زە سەن"ـی بەریتانی، ئەو پیاوانەی کە دەیانەوێت لە داهاتوودا منداڵ بخەنەوە ئەوا باشترە خواردنی گۆشت سنوردار بکەن و زۆر نەیخۆن.
توێژینەوەکە لە
زانکۆی "وۆردسێتەر" کراوە، دەرکەوتووە کە ئەو سیستەمە خۆراکەی کە پڕبێت
لە پڕۆتین بە رێژەی ٪٣٧ هۆڕمۆنی تێستێسترۆن کەم دەکاتەوە.
سەرنوسەری توێژینەوەکە
بەناوی " جۆو وایتاکەر" کە پسپۆڕێکی خۆراکە بە زە سەنی راگەیاند،
"کەمی ئاستی تێستێسترۆن دەبێتە هۆی کەمی دروستبوونی سپێرمەکان، ئەمە کاریگەری
نەرێنی لەسەر پیاوان دەبێت و نەزۆکیان دەکات."
کەمی ئاستی تێستێسترۆن
پەیوەندی بە نەخۆشییە درێژخایەنەکانیشەوە هەیە وەک ( نەخۆشییەکانی دڵ، شەکرە و زەهایمەر).
ئەو پسپۆڕە و تیمەکەی
تۆماری ٢٧ توێژینەوەیان هەڵدایەوە کە لەسەر ٣٠٩ پیاو کرابوو، بۆیان دەرکەوت کە سیستمی
خۆراکی پڕ پڕۆتین و کاربۆهێدرات، پێکەوە کار لە هۆرمۆنی تێستێسترۆن دەکەن و کۆلسترۆل
بەرز دەکەنەوە.
پسپۆڕەکە ئاشکرایکردووە
کە خواردنی ٪٣٥ زیاتر لە پڕۆتین زیاتر لە دوو هەفتەدا مەترسیدارە و دەبێت کەم بکرێتەوە.
هەروەها باس لە
بڕی رێگەپێدراو دەکات کە لە رۆژێکدا دەبێت بخورێت و ئاشکرایکردووە، پیاوان ٥٦ گرام
و ژنان ٤٥ گرام پڕۆتین وەبگرن، ئەمەش بەپێی کێشی جەستە دەگۆڕیت (پیاوان کێشیان ٧٥
کیلۆگرام و ژنان ٦٠ کیلۆگرام بێت.
ر.ئ