ئاماژەی بەوەشداوە، تەنانەت هەبوونی بەشێکی کەم لە روناکی ئامێرەکان لە کاتی خەوتندا رێگری لە جەستە دەکات بۆ ئەوەی ئاستی رێژەی شەکر لە خوێندا لەئاستێکی تەندروست بهێلێتەوە.

ئەوەشی خستووەتەڕوو، زانایانی بەشداربوو لە لێکۆڵینەوەکە تاقیکردنەوەیان لەسەر ٢٠ کەس کە تەمەنیان لە نێوان ١٩ بۆ ٣٦ ساڵ بووە کردووە بە جۆرێک، لە شەوی یەکەمی تاقیکردنەوەکەدا بەشداربووەکان لە ژورێکی تاریکدا خەوتن و شەوی دووەم نیوەی بەشداربووەکان لەبەر ئامێرێک خەوتن کە روناکییەکەی بە ئەندازەی روناکی شاشەی تەلەفزیۆن بوو، لە کاتێکدا بەشەکەی تر دووبارە لە تاریکیدا خەوتن.

رۆژی دواتر لە بەیانیدا زاناکان پشکنینی رێژەی شەکرەی بەشداربوەکانیان پشکنی و بۆیاندەرکەوت کە ئەو کەسانەی لەبەر روناکی خەوتون رێژەی ئەنسۆلینیان ٢٠٪ بەرزتر بوو لەوانەی کە لە تاریکیدا خەوتبوون ئەمە سەرەڕای ئەوەی لێدانی دڵیان خێراتر بوو.

لایخۆشیەوە، فیڵس زی توێژەرەوە لە بواری خەوتن لە زانکۆی باکوری خۆرئاوای فێینبێرگ سکوڵی پزیشکی و سەرپەرشتیاری لێکۆڵینەوەکەباسی لەوەکردووە، "پێموایە بەهێزی ئەو بەڵگانەی کە دەستمانکەوتووە پێویستە ببێتەهۆی ئەوەی گرنگی بدەیت بەو روناکیەی کە لەژووری خەوتنەکەت هەیە و هەوڵبدە کە ڕوناکیەکان کەمبکەیتەو بەلانی کەمەوە کاتژمێرێک یا دوو کاتژمێر بەر لە خەوتن."