PM:02:19:29/01/2026
160 جار خوێندراوەتەوە
+
-
بەهۆی یاری کۆتایی جامی نەتەوەکانی ئەفریقا
هەردوو هەڵبژاردەی سەنیگال و مەغریب سزای قورس دران.
یەکێتیی تۆپی پێی ئەفریقا زنجیرەیەک سزای توند و
بێپێشینەی بەسەر هەردوو هەڵبژاردەی سەنیگال و مەغریبدا سەپاند دوای رووداوەکانی
یاری کۆتایی جامی نەتەوەکانی ئەفریقا کە تێیدا هەڵبژاردەی سەنیگال چەند خولەکێک
یاریگایان بەجێهێشت و پاشان گەرانەوە نێو یاریگا.
سەبارەت بە سەنیگال باب ثیاوی راهێنەر بۆ ماوەی
پێنج یاری لە چالاکییەکان راگیرا و بڕی 100 هەزار دۆلاریش وەک سزای کەسی بەسەردا
سەپێنرا.
هەروەها هەردوو یاریزان ئیلیمان ندیا و ئیسماعیل
سار بۆ دوو یاری ڕاگیران و یەکێتیی تۆپی پێی سەنیگالیش بە بڕی 615 هەزار دۆلار سزا
درا کە ئەمەش گەورەترین سزای داراییە لەسەر ئاستی کیشوەرەکە لە مێژوودا.
لە
بەرامبەردا سزاکانی مەغریبیش قورس بوون و ئەشرەف حەکیمی بۆ یەک یاری ڕاگیرا کە
جێبەجێکردنەکەی هەڵپەسێردراوە و ئیسماعیل سەیباریش بۆ سێ یاری سڕ کرا.
هەروەها
فیدراسیۆنی تۆپی پێی مەغریب بە بڕی 315 هەزار دۆلار سزا درا.