PM:03:45:05/01/2026
116 جار خوێندراوەتەوە
+
-
کاپێلۆ دوپاتیکردەوە ئەلۆنسۆ دەبێت لەسەر
شێوازی ریاڵ مەدرید بڕوات و ئەنچیلۆتیش پاشای ژووری جلگۆڕینە.
فابیۆ کاپێلۆی راهێنەری پێشووی ئیتاڵی لە
لێدوانێکی نوێیدا باسی لە بارودۆخی یانەی ریاڵ مەدرید و کێشەکانی ناو ئەو یانەیە و
راهێنەر و یاریزانان کرد لەگەڵ کێبڕکێی خولی ئیتاڵیا.
کاپێلۆ دەڵێت، بەڵێ راستە کە چابی ئەلۆنسۆ
زۆر بە باشی ریاڵ مەدرید دەناسێت بەڵام وەک یاریزان نەک وەک راهێنەر، ئەو دوو
بوارە جیاوازن و پێویستە لەسەر ئەو شێوازە بڕوات کە یانەکە هەیەتی.
دەشڵێت، کاتێک راهێنەریت دەبێت زیاتر بیر
بکەیتەوە چونکە 25 یاریزانت لەبەردەستدایە و تۆ ئەو بابەتە یەکلادەکەیتەوە کە ئەو یاریزانە
لە چ شوێنێکی یاریگادا دەتوانێت ئاستی نایاب پێشكەش بکات.
ئاماژەی بەوەشدا، ئەلۆنسۆ دەبێت ئاگاداری
ئەوە بێت راهێنەرایەتی کردن لە لیڤەرکوزن جیاوازبووە لە ریاڵ مەدرید، ئێستا خاوەنی
ئەستێرەی زیاتریت و پێویستە ڤینیسیۆس جۆنیۆریش بە شێوازێکی پیشەگەرانەی گەورە مامەڵە
لەگەڵ بارودۆخەکان بکات.
کاپێلۆ وتی، کارلۆ ئەنچیلۆتی مامۆستایە و
پاشای ژووری جلگۆڕینە، ئەو خوێندکاری من بووە و کەسێکی زۆر ئارامە و دەزانێت چۆن
خۆی لەگەڵ یاریزاناندا بگونجێنێت.
لەسەر کێبڕکێ کردنی نازناوی ئەم وەرزەی
خولی ئیتاڵیا، کاپێلۆ دوپاتیکردەوە کە چەند یانەیەک ئاستێکی نایابیان هەیە بە
نمونەی ئینتەر و ناپۆلی و میلان بەڵام دەبێت ئەوەش بزانن یۆڤانتۆس توانای کێبڕکێ
کردنی دەبێت تا کۆتا هەفتە.
خ . ک