PM:07:39:20/11/2021
868 جار خوێندراوەتەوە
+
-
لە خولى ئەڵمانیا،
دۆرتمۆند لە شتوتگارتى بردەوە و جیاوازى خاڵەکانى لەگەڵ بایرن میونشنى پێشەنگى بۆ
خاڵێک کەمکردەوە.
لە هەفتەى 12ى
خولى پلە یەکى تۆپى پێى ئەڵمانیا، بڕوسیا دۆرتمۆند لە یاریگاى سیگناڵ ئیدۆنا پارک،
میواندارى شتوتگارتى کرد و دۆرتمۆند بە دوو گۆڵ بەرامبەر بە گۆڵێک یارییەکى
بردەوە.
دوو گۆڵەکەى
دۆرتمۆند دۆنیایل مالین و مارکۆ ڕیۆس لە خولەکەانى 56 و 85دا تۆماریانکرد و تاکە
گۆڵەکەى شتوتگارتیش لە خولەکى 63دا لەلایەن ڕۆبێرتۆ ماسیمۆوە تۆمارکرا.
لە یارییەکانى
تریشدا، بایەر لیڤەرکوزن بە گۆڵێکى بێ بەرامبەر لە بوخومى بردەوە و ئەرمینیا بیڵیفیڵد
و فۆڵفسبۆرگیش بە دوو گۆڵ بۆ هەردوولا یەکسانبوون و لایپزیگیش بە دوو گۆڵى بێ
بەرامبەر بە هۆفینهایم دۆڕا.
بەم ئەنجامانە،
دۆرتمۆند بە 27 خاڵ پێگەى خۆى لە پلەى دووەمى ڕیزبەندى خولەکەدا قایمترکرد و
جیاوازى خاڵەکانى لەگەڵ بایرن میونشنى پێشەنگ بۆ خاڵێک کەمکردەوە، لیڤەرکوزن و
فۆڵفسبۆرگ و لایپزیگیش بەدواییەکدا لە پلەکانى چوارەم و پێنجەم و شەشەمدان.
گ . ف