PM:11:18:20/11/2025
140 جار خوێندراوەتەوە
+
-
رۆنی
پێیوایە فلێ ناپاکی لەگەڵ دەکات و بەرشەلۆنەش دەرگای بەرووی رۆیشتنیدا کردووەتەوە
بە شێوەی خواستن.
بەپێی
زانیارییەکانی رۆژنامەی مۆندۆ دیپۆرتیڤۆ، رۆنی بارداخچی، یاریزانی سویدی و بەرشەلۆنە،
لە هانسی فلیکی راهێنەری بێزارە و هەست بە ناپاکی دەکات.
سەرەڕای
ئەو پێشبینیانەی لەسەری هەبوون، بارداخچی لەم وەرزەدا تەنیا 188 خولەک یاری
کردووە، ئەمەش وایلێکردووە باوەڕی بەوە هەبێت کە تەنیا یەدەگە و ئەو دەرفەتانەی
دەست ناکەوێت کە هیوای بۆ دەخواست.
مۆندۆ
دەڵێت: ئۆفەری گەورە هەیە بۆ ئەوەی یاریزانەکە لە مانگی یەکی داهاتوودا بەشێوەی
خواستن بڕوات، بەڵام فلیک سوورە لەسەر مانەوەی لە تیپەکەدا، بەتایبەت وەک
بژاردەیەکی تاکتیکی گرنگ لە یارییەکاندا، بەڵام بارداخچی پێیوایە شایستەی زیاترە
لەوەی تەنیا لەسەر کورسیی یەدەگ دابنیشێت.
ئەم
دۆخە وایکردووە یانەکە دەرگا بەڕووی بیرۆکەی بەخشینی یاریزانەکە بەخواستن بۆ
تیپێکی دیکە لە ماوەی گواستنەوەی زستانەدا بکاتەوە، کە تێیدا دەتوانێت دەرفەتی
یاریکردنی زیاتری دەستبکەوێت و توانا هونەرییەکانی پەرەپێبدات.