PM:03:20:24/12/2025
168 جار خوێندراوەتەوە
+
-
یاماڵ و مباپێ و هالاند گرانترین یاریزانی
جیهانن بە نرخی 200 ملیۆن یۆرۆ و ڤینیسیۆس سێیەمە.
پێگەی ترانسفێر مارکتی جیهانی نوێترین ریزبەندی
گرانترین یاریزانانی جیهانی بڵاوکردەوە کە پەیوەستە بە ئاستیان لەسەرجەم یارییەکاندا
لەگەڵ بچوکی و گەورەیی تەمەنی.
هەریەکە لە لامین یاماڵ و کیلیان مباپێ و
ئێرلینگ هالاند بە نرخی 200 ملیۆن یۆرۆ لە پێشەنگی گرانترینەکانی جیهاندان
بەشێوەیەک کە پێشتر تەنها یاماڵ گرانترین بوو بەڵام هەردوو ئەستێرە فەرەنسی و
نەرویجیەکە نرخەکەیان بەرزبووەتەوە بەهۆی ئاستە نایابەکەیانەوە لەم وەرزەدا و
نرخەکەیان هاوشێوەی ئەستێرەکەی بەرشەلۆنەی لێهاتووە.
نرخی جوود بێلینگهامی ئینگلیزی و ئەستێرەی
یانەی ریاڵ مەدرید بۆ 160 ملیۆن یۆرۆ دابەزیوە و لە پلەی دووەمی ریزبەندییەکەدایە،
ڤینیسیۆس جۆنیۆری بەرازیلیش بە نرخی 150 ملیۆن یۆرۆ لە پلەی سێیەمدا ماوەتەوە.
پێدری ئەستێرەی یانەی بەرشەلۆنە نرخەکەی
140 ملیۆن یۆرۆیە و لە پلەی چوارەمدایە، هەریەکە لە جەمال موسیالا و بوکایۆ ساکا و
مایکل ئۆلیسێ بە نرخی 130 ملیۆن یۆرۆ لە پلەی پێنجەمی گرانترین یاریزانانی
جیهاندان.
لیۆنێل مێسی ئەستێرەی ئەرجەنتینی و یانەی
ئینتەر میامی نرخەکەی لە بازاڕی گواستنەوەی ئێستای یاریزاناندا 15 ملیۆن یۆرۆیە لە
کاتێکدا نرخی کریستیانۆ رۆناڵدۆ 12 ملیۆن یۆرۆیە.
خ . ک