ناگلسیمان نەیشاردەوە دەیانەوێت بردنەوە بەدەستبهێنن و باشترین پێکهاتە بۆ ئەڵمانیا هەڵبژێرن.

جولیان ناگلیسمان، راهێنەری هەڵبژاردەی ئەڵمانیا، پێش یارییەکەیان بەرامبەر لوکسمبۆرگ دەڵێت: ئامادەکاریی باشیان کردووە و دەیانەویت بە بردنەوە بێنە دەرەوە لە یاریگا.

باسی لەوەشکرد، رەنگە کەمێک گۆرانکاری لە پێکهاتەکەیدا بکات، بەڵام تا ئیستا بڕیاری کۆتایی نەداوە و لە یارییەکەدا هەمووان دەبینن کێ یاریی دەکات و کێ لەسەر کورسی یەدەگە.

دوپاتیشیکردەوە، هەر یاریزانێک لە هەڵبژاردەی ئەڵمانیا لەوە تێدەگات کە یاریی بۆ ناوی وڵاتەکەی دەکات، هەوڵدەدەن هەمووان بەشداری بکەن و باشترین پێکهاتە هەڵبژێرن.

ناگلیسمان ستایشی ڤۆڵتامادای کرد و وتی: یاریزانێکی لێهاتووە و بەهرە و توانای نایابی هەیە، هەستی گۆڵکردنی پێشکەوتووە و یەکێکە لە ئەستێرەکانی ئێستای تۆپی پێ.