PM:06:26:12/10/2025
156 جار خوێندراوەتەوە
+
-
لە جامی شەنگەهای ڤاچیرۆت بە بردنەوە لە
ئارسەر بۆ یەکەمجار لە مێژوودا نازناوی بەدەستهێنا.
لە یاریی کۆتایی جامی شەنگەهای بۆ تێنسی
سەرزەوی، ڤالنتێن ڤاچیرۆی مۆناکۆیی و ئارسەر ریندرکنیچی فەرەنسی کە ئامۆزای یەکترن
رووبەڕووی یەکبونەوە.
ئەو دوو یاریزانە لە قۆناغی پێش کۆتاییدا
بەشێوەیەکی چاوەڕوان نەکراو بردنەوەیان بەسەر جۆکۆڤیچ و مێدڤیدێڤ بەدەستهێنا و بۆ
یەکەمجار لە مێژوویاندا رووبەڕووی یەکبونەوە لە یاریی کۆتاییدا.
لەم یارییەدا، کۆمەڵەی یەکەم بە ئەنجامی
شەش بە چوار گێم لە سوودی ئارسەر کۆتاییهات بەڵام ڤاچیرۆت کۆمەڵەکانی دووەم و
سێیەمی بە ئەنجامی شەش بە سێ گێم لە سوودی خۆی کۆتایی پێهێنا.
سەرەنجام دوای دوو کاتژمێر و نۆ خولەک
یارییەکەی بە دوو کۆمەڵە بەرامبەر کۆمەڵەیەک بردەوە و بۆ یەکەمین جار لە مێژوویدا
توانی نازناو بەدەستبهێنێت.
ڤاچیرۆت کە لە پلەی 204ی ریزبەندی جیهاندا
بوو بە بردنەوەی ئەو یاریە هەزار خاڵی وەرگرت و ئێستا چووەتە پلەی 92 لە ریزبەندی
یاریزانانی تێنسی سەرزەویدا.
خ . ک