PM:09:49:17/10/2025
88 جار خوێندراوەتەوە
+
-
گاسپێرینی رایگەیاند یارییەکەیان سەخت دەبێت و کیڤۆ پێیوایە
رۆما لەرووی بەرگریکردن و هێرشبردنەوە نایابە.
پێش یاریی نێوان رۆما و ئینتەر میلان، راهێنەری هەردوولا
قسەی خۆیان لەسەر یارییەکە و دۆخی تیپەکەیان کرد.
لە سەرەتادا گاسپێرێنی راهێنەر گورگەکان وتی: ئامادەکاری
باشمان بۆ یارییەکە کردووە، یارییەکی سەخت و دژوارمان لەپێشە و دەمانەوێت بە
بردنەوە لێی بێینە دەرەوە.
وتیشی: راهێنەری ئینتەر میلان بەتوانایە و ئەوان دەتوانن
کێشەمان بۆ دروست بکەن، هەمیشە رووبەرووبوونەوی نێوان ئەو دوو تیپە سەخت بووە و
دوای پشووە نێودەوڵەتییەکان یەکەم یاریی ئاسان نییە.
دوپاتییکردەوە، بە گشتی توانای جەستەیی یاریزانەکانی لە
دۆخێکی باشدایە، راستە چەند پێکانێکیان هەیە، بەڵام ئەوە تۆپی پێیە و دەبێت بە
باشی مامەڵەی لەگەڵدا بکەن.
لە بەرامبەردا کیڤۆی راهێنەری ئینتەر میلان دەڵێت: دوای
پشووی نێودەوڵەتی سەرجەم یاریزانەکان بە تەندروستی و بێ کێشە گەڕانەوە، هەندێک یاریزان دوو یاری تەواویان
ئەنجامدا، بۆیە ئێمە ڕۆژانی پشووی زیادەمان پێدان بۆ ئەوەی دڵنیابن لە
ئامادەیی تەواویان.
جەختیشیکردەوە، ئەو ئارەزووی یارییکردنی رۆما دەکات و بە
تیپێکی نایابیان دەزانێت لە رووی بەرگری و هێرشبردنەوە، ئەوەش بۆ کارەکانی رانێری
و دواتر گاسپێرینی دەگەڕێتەوە.
کیڤۆ جەختیشیکردەوە، تورام لە دۆخێکی باشترە، دەستی
کردووە بە ڕاکردن و جوڵە، بەم زووانە دەست بە ڕاهێنانەکان دەکات، هیوادارن بەم
زووانە بگەڕێتەوە یاریگاکان، بەڵام سۆمەر ئامادەیە بۆ یارییکردن.