PM:04:30:10/10/2025
172 جار خوێندراوەتەوە
+
-
لە یارییەکی دۆستانەدا هەڵبژاردەی بەرازیل گۆڵبارانی
کۆریای باشوری کرد و بە پێنج گۆڵی بێوەڵام لێی بردەوە.
لە یارییەکی دۆستانەی نێوان هەڵبژاردەکانی ئەمریکای
باشور، هەڵبژاردەی بەرازیل بووە میوانی کۆریای باشور.
تایمی یەکەم، هەر لە سەرەتاوە سامبا بە ئاستی بەرزەوە
دەرکەوت و لە خولەکەکانی 13 و 41 دوو گۆڵیان لە رێگەی ئیستیڤاو و رۆدریگۆوە
تۆمارکرد، نیوەی یەکەمیش بەو دوو گۆڵە کۆتایی هات.
لە تایمی دووەم، تیپەکەی کارلۆ ئەنچیلۆتی دووبارە باڵی
کێشایەوە بەسەر یاریگادا و لە خولەکەکانی 47 و 49 ئیستیڤاو و رۆدریگۆ بە دوو گۆڵی یەک لەدواییەک ئەنجامەکەیان
بۆ دوو هێندە زیادکرد.
لە خولەکی 77ی یارییەکەس ڤینیسۆس هێرشێکی بەتەنیا گرتە
ئەستۆ و بە لێهاتوویی خۆی گۆڵی پێنجەمی هەڵبژاردەکەی پێ تۆمارکرد.
سەرەنجام یارییەکە بە پێنج گۆڵی بێوەڵام لە سودی بەرازیل
کۆتایی هات، بەم ئەنجامە سامبای ئەنچیلۆتی زەنگی مەترسی بۆ هەڵبژاردەکانی دیکە
لێدا.