PM:01:26:09/10/2025
76 جار خوێندراوەتەوە
+
-
لە جامی شەنگەهای مێدڤیدێڤ بە بردنەوە لە
لێرنەر تیان گەیشتە چارەکی کۆتایی و موسێتی ماڵئاواییکرد.
لە یارییەکانی قۆناغی چارەکی کۆتایی جامی
شەنگەهای بۆ تێنسی سەرزەوی، دانێل مێدڤیدێڤی روسی بەرامبەر لێرنەر تیانی ئەمریکی
یارییکرد.
یارییەکە لە سەرەتاوە کیبڕکێیەکی بەهێزی
بەخۆوە بینی و کۆمەڵەی یەکەم بە ئەنجامی حەوت بە شەش گێم لە سوودی میدڤیدێڤ
کۆتاییهات بەڵام لێرنەر تیان بە بردنەوەی کۆمەڵەی دووەم ئەنجامەکەی یەکسانکردەوە.
لە کۆمەڵەی سێیەم و یەکلاکەرەوەدا،
مێدڤیدێڤ باشتر بینرا و بە ئەنجامی شەش بە جوار گێم لە سوودی خۆی کۆتایی پێهێنا،
سەرەنجام دوای دوو کاتژمێر و 51 خولەک یارییەکەی بە دوو کۆمەڵە بەرامبەر کۆمەڵەیەک
بردەوە.
لە یارییەکانی تریشدا، لۆرینزۆ موسێتی
ئیتاڵی رووبەڕووی ئۆگێر ئەلیاسیمی کەنەدی بووەوە و بە ئەنجامی دوو کۆمەڵەی
بێبەرامبەر یارییەکەی پێدۆڕاند، دی مینۆر لە بورگێسی بردەوە.
دوای ئەو ئەنجامانە، هەریەکە لە مێدڤیدێڤ
و ئەلیاسیم و دی مینۆر گەیشتنە قۆناغی چارەکی کۆتایی پاڵەوانێتییەکە، لێرنەر تیان
و موسێتی و بۆرگێس ماڵئاواییانکرد.
خ . ک