لێدوانەکانی تودۆر و ئەلێگری پێش یاریی نێوانیان

PM:08:44:04/10/2025

136 جار خوێندراوەتەوە

+ -

تودۆر پێیوایە میلان راهێنەر و یاریزانی نایابی هەیە و ئەلێگری جەختیکردەوە کە بۆ تۆڵەسەندنەوە رووبەرووی یوڤی نابێتەوە.

پێش رووبەرووبوونەوەی یۆڤانتۆس و ئەی سی میلان لە سێریا ئەی، راهێنەری هەردوولا قسەیان کرد.

لە سەرەتادا ئیگۆر تودۆری راهێنەری خانمە پیرەکە وتی: نازانم یارییەکە چ جۆرە یارییەک دەبێت، میلان تیپێکی پلە یەک و ڕاهێنەر و یاریزانی نایابی هەیە، ئەوانیش لە ساتەوەختێکی باشدان، ئێمە لە یاریگای خۆمان یاری دەکەین، دەبێت ئاستێکی نایاب پێشکەش بکەین.

وتیشی: ئەوەی کە کەموکوڕیمان تیایدا هەیە سەرکەوتنە، ئەوە ڕوونە، کاتێک شیکاری دەکەم سەیری ئاستی خۆمان دەکەم، بەرامبەر ئاتالانتا و ڤیاریال لە دوو یاریدا ئاستێکی نایابمان پێشکەشکرد، لە بەرامبەرەکانمان باشتر یاریمان کرد.

دوپاتیشیکردەوە،شەش مانگە بە هەمان شێوە یاری دەکەن و لەسەر یەک ریتم دەڕۆن، بە دڵنیاییەوە ناسنامەیەکی جیاوازیان هەیە، یاریزانی گونجاو هەڵدەبژێرن و هەوڵدەدەن گۆڕانکاری دروست بکەن.

لە بەرامبەردا ماسیمیلیانۆ ئەلێگری راهێنەری رۆسۆنێری دەڵێت: زۆر خەڵک پێیان وایە گەڕانەوەم بۆ یاریگای یۆڤانتۆس بۆ تۆڵەکردنەوە لەو یانە یاخود کارگێریەکەیتی بەڵام بەم شێوەیە نییە.

وتیشی: کاتێک میلانم بەجێهێشت، سوپاسی یانەکەم کرد بۆ ئەو ساڵانەی لەوێ بووم، کاتێکیش یۆڤانتۆسم بەجێهێشت بە هەمان شێوە، یارییەکە گەورە دەبێت، دەبێت بە زیرەکی یارییەکە ئەنجام بدەین.

دوپاتیشیکردەوە، ، دەبێت سەرنجیان لەسەر ئامانجە گەورەکە بێت، ئەویش گەڕانەوەی میلانە بۆ چامپیۆنزلیگ، بۆ ئەوەی ئەو کارە بکەن، پێویستە بەردەوام بن لە بەدەستهێنانی ئەنجامی باش، تەنانەت ئەگەر رووبەرووی سەختییش ببنەوە.