PM:08:19:04/10/2025
104 جار خوێندراوەتەوە
+
-
گواردیۆلا دوپاتیکردەوە دڵخۆشە بە ئاستی
ئەم دواییەی تیپەکەی و دەتوانن باشتر پێشکەش بکەن.
پێش رووبەرووبوونەوەی برێنتفۆرد، پیپ
گواردیۆلای راهێنەری مانچستەر سیتی وتی: ئەوەی کە زۆر دڵخۆشم دەکات لە ماوەیەدا
ئەوەیە کە خەریکە ریتم و خێراییمان بەدەست دەهێنێنەوە.
وتیشی: هەموو شتێک باشتربووە، من زۆر
دڵخۆشم بەوە، هەروەها دەتوانین باشتریش بین، متمانەم بە یاریزانەکانم هەیە، بە
گشتی کەشوهەوایەکی باش لەنێو تیپەکە بەدیدەکرێت.
دەشڵێت: نەک تەنیا هالاند، بەڵکو هەموومان
توڕە بووین بە یەکسانبوونمان بەرامبەر مۆناکۆ، ویستمان سەرکەوتن بەدەستبهێنین،
بەڵام نەمانتوانی، ئاستێکی بەرزمان پێشکەشکرد و دەبێت زیاتر لەو یارییانەوە
فێربین.
دوپاتیشیکردەوە، بەردەوامبوونی فۆدین لەو
ئاستەی پێشکەشی دەکات، وا دەکات دووبارە بگەڕێتەوە بۆ پێکهاتەی سەرەکی ئینگلتەرا،
بەڵام تۆخێل زۆر لەو باشتر دەزانێت کە چی دەوێت و چی پێویستە بۆ هەڵبژاردەکەی.