PM:07:30:30/09/2025
116 جار خوێندراوەتەوە
+
-
سارابیای راهێنەری ئێڵچی بەباشترین
راهێنەری مانگی ئەیلوولی خولی ئیسپانیا دیاریکرا و لە گەورەکانی بردەوە.
ئیدێر سارابیای راهێنەری یانەی ئێڵچی
بەباشترین راهێنەری خولی ئیسپانیا دیاریکرا بۆ مانگی ئەیلوول، ئەویش پاش ئەوەی لە
مانگەکەدا لە چوار یاریدا خاوەنی دوو بردنەوە و دوو یەکسان بوو لەگەڵ یانەکەی و
سەرکردایەتی کردن بۆ گەیشت بە پلەی چوارەمی لا لیگا.
ئێڵچی لەژێر سەرکردایەتی سارابیا لە
مانگەکە شکستی بە ریاڵ ئۆڤیدیۆ و سێڵتا ڤیگۆ هێنا، لەگەڵ یانەکانی سیڤییە و
ئۆساسۆناش یەکسانبوون.
لە ئێستاشدا یانەی ئێڵچی تازە سەرکەوتوو
بۆ لا لیگا، پاش تێپەڕبوونی حەوت هەفتە خاوەنی سێ بردنەوە و چوار یەکسانن، 13
خاڵیان هەیە و لە پلەی چوارەم دێن لەپاش بەرشەلۆنە و ریاڵ مەدرید و ڤیاڕیاڵەوە.
جێی سەرنجە راهێنەرە 44 ساڵانەکە،
کێبڕکێکەی لە راهێنەرانی وەک چابی ئەڵۆنسۆی راهێنەری ریاڵ مەدرید و هانسی فلێکی
راهێنەری بەرشەلۆنە بردەوە و باشترینی مانگەکەی بەدەستهێنا.