PM:10:56:11/03/2025
604 جار خوێندراوەتەوە
+
-
لە چامپیۆنز لیگ
بەرشەلۆنە بە سێ گۆڵ بەرامبەر بە گۆڵێک شکستی بە بەنفیکا هێنا و گەیشتە قۆناغی
چارەکی کۆتایی.
لە یارییەکانی قۆناغی
16ی چامپیۆنز لیگ، بەرشەلۆنە لە یاریگای خۆیدا میوانداری بەنفیکای کرد.
لە تایمی یەکەم،
بەرشەلۆنە بە ئاستێکی بەرزەوە بینرا و لە خولەکی 11ش لە رێگای رافینیاوە گۆڵی یەکەمیان
تۆمارکرد، بەڵام زۆری نەخایاند لە خولەکی 13ی ئۆتامێندی ئەنجامەکەی بۆ یانەی میوان
یەکسانکردەوە.
پاش یەکسانبوون وەڵامی
بەرشەلۆنە خێرابوو کاتێک لە خولەکەکانی 27 و 42 دوو گۆڵی تریان لە رێگای لامین
یامال و رافینیاوە تۆمارکرد.
لە تایمی دووەم،
یارییەکی مامناوەند بینرا و هەردوو یانە هێرشیان دەبردە سەر گۆڵی یەکتر، بەڵام هیچ
گۆڵێکی لێنەکەوتەوە و سەرەنجامیش یارییەکە بە سێ گۆڵ بەرامبەر بە گۆڵێک کۆتایی
پێهات.
بە ئەنجامی هەردوو
یارییش بەرشەلۆنە بە چوار گۆڵ بەرامبەر بە گۆڵێک بردنەوەی بەدەستهێنا و سەرکەوت بۆ
قۆناغی چارەکی کۆتایی.