PM:04:03:18/01/2025
200 جار خوێندراوەتەوە
+
-
ریاڵ مەدرید بە
باشترین یانەی ساڵی رابردوو دیاریکرا و لیڤەرکوزن دووەمە و بەرشەلۆنە لە پلەی
حەوتەمدایە.
فیدراسیۆنی
نێودەوڵەتی ئامار و مێژووی تۆپی پێ ریزبەندی باشترین یانەکانی ساڵی 2024ی جیهانی
بڵاوکردەوە کە پەیوەستە بە ئەنجامەکانیان و بردنەوەی نازناو لەو ساڵەدا.
یانەی ریاڵ مەدریدی
ئیسپانی بە کۆکردنەوەی 441 خاڵ لە پێشەنگی ریزبەندی باشترین یانەکانی ساڵی
رابردووی جیهاندایە دوای ئەوەی نازناوەکانی چامپیۆنز لیگ و خولی ئیسپانیا و جامی
سوپەری ئەوروپای بەدەستهێنا.
یانەی بایەر
لیڤەرکوزنی ئەڵمانیش بە کۆکردنەوەی 384 خاڵ پلەی دووەمی ریزبەندییەکەی گرتووە بە
جیاوازی چوار خاڵ لەگەڵ یانەی ئەتڵانتای ئیتاڵی و پاڵەوانی وەرزی رابردووی یۆرۆپا
لیگ.
یانەی لیڤەرپوڵی
ئینگلیزی 345 خاڵی هەیە و لە پلەی چوارەمدایە، یانەی بۆتافۆگۆی بەرازیلیش دوای
بردنەوەی نازناوەکانی کۆپا لیبەرتادۆرێس و خولی بەرازیل لە پلەی پێنجەمی باشترین
یانەکانی جیهاندایە.
هەریەکە لە
یانەکانی مانچستەر سیتی و بەرشەلۆنە و فلامینگۆ و ئەتلەتیکۆ مەدرید و بوروسیا
دۆرتمۆند لە پلەکانی شەشەم تا دەیەمی ریزبەندییەکەدا دەبینرێن.
خ . ک